Kull sena, il-Kumitat Ewropew tar-Reġjuni (KtR) jipproduċi għadd ta’ pubblikazzjonijiet diġitali li jvarjaw minn pamflets sa fuljetti bil-kulur bħala appoġġ għall-ħidma leġiżlattiva tal-membri tiegħu. Dawn il-pubblikazzjonijiet huma kemm għall-pubbliku inġenerali kif ukoll għall-awtoritajiet reġjonali u lokali. Huma għandhom l-għan li jkomplu jżidu l-għarfien dwar l-iżviluppi importanti tal-UE marbuta mal-politika u l-attivitajiet tal-KtR. Sabiex ikun hemm l-aqwa appoġġ għal informazzjoni lir-relaturi u lill-membri tagħna, il-Kumitat Ewropew tar-Reġjuni (KtR) jista’ jitlob l-għajnuna ta’ esperti esterni biex joħolqu studji xjentifiċi dwar ċerti suġġetti ta’ interess.
Biex issib studju jew pubblikazzjoni speċifika tal-KtR:
- Agħmel tiftixa b’kelma ewlenija fil-lista ta’ hawn taħt;
- Fittex direttament fis-sit web tal-Uffiċċju tal-Pubblikazzjonijiet tal-Unjoni Ewropea;
Hija disponibbli wkoll paġna ddedikata relatata mal-identità viżiva u l-logo tal-KtR.