Network tal-Eks Membri tal-Kumitat Ewropew tar-Reġjuni

In-Network huwa inizjattiva tal-Kumitat Ewropew tar-Reġjuni (KtR) u tfassal għall-eks membri u l-eks sostituti tal-Kumitat Ewropew tar-Reġjuni biex joffrilhom il-possibbiltà li jkomplu jsegwu l-ħidma u l-attivitajiet politiċi tal-KtR. Huwa miftuħ ukoll għal individwi u ħbieb oħrajn tal-KtR li huma involuti fil-politika lokali u reġjonali u jixtiequ li l-esperjenza u l-għarfien tagħhom ikunu ta’ siwi għall-KtR u l-Ewropa.

F’din il-paġna

L-għan tan-Network huwa li

  • jgħin lill-KtR jikkomunika mal-kunsilli lokali u reġjonali u mal-miljun politiku lokali u reġjonali fir-reġjuni kollha tal-UE;
  • jgħin biex jippromovi l-inizjattivi politiċi tal-KtR;
  • jikkomunika dwar il-politiki tal-Unjoni Ewropea li huma rilevanti fil-livell lokali u reġjonali;
  • jikkondividi l-esperjenza u l-għarfien tiegħek ma’ dawk li jieħdu d-deċiżjonijiet fil-livell tal-UE permezz tan-networks u l-attivitajiet tal-KtR;
  • jappoġġjak biex tqarreb l-Ewropa lejn iċ-ċittadini tagħna.

X’noffru

  • stediniet għal avvenimenti, sessjonijiet ta’ informazzjoni tematiċi online u dibattiti politiċi ta’ livell għoli;
  • tgħarrif dwar l-iżviluppi reċenti dwar il-politiki tal-UE rilevanti għal-livell lokali u reġjonali;
  • badge personalizzata biex taċċessa jew tuża l-bini tal-KtR fi Brussell;
  • bullettin personalizzat tal-KtR u app ġdida online għall-membri;
  • appoġġ għall-inizjattivi lokali u reġjonali tiegħek (pereżempju, djalogi maċ-ċittadini).

Kif tista’ tikkontribwixxi

  • għinna nippromovu l-inizjattivi u l-proposti politiċi tal-KtR u l-informazzjoni ġenerali dwar l-UE lil udjenza usa’;
  • involvi ruħek f’avvenimenti lokali dwar l-affarijiet tal-UE organizzati fir-reġjun jew il-belt tiegħek;
  • ipproponi ideat jew inizjattivi ġodda.
Ingħaqad man-Network