Nibnu l-Ewropa f’livell Transfruntier

Dwar il-premju 

Dan il-premju jirrikonoxxi l-azzjonijiet u l-proġetti konkreti implimentati mir-Raggruppamenti Ewropej ta’ Kooperazzjoni Territorjali (REKT) fil-komunitajiet tagħhom. Dan juri l-valur miżjud ta’ dawn l-istrumenti u jippromwovihom bħala eżempji għal raggruppamenti oħra jew strutturi simili. 

Ir-REKT jippermettu lir-reġjuni u l-bliet, l-assoċjazzjonijiet jew kwalunkwe korp pubbliku ieħor ta’ Stati Membri differenti biex jingħaqdu flimkien taħt entità legali waħda biex jiffaċilitaw u jippromovu l-kooperazzjoni territorjali. Dawn jaqdu rwol importanti fit-trawwim tat-tkabbir ekonomiku u l-ħolqien tal-impjiegi, il-ħarsien tal-ambjent u tan-natura. Barra minn hekk, ir-REKT jippromovu l-edukazzjoni, l-inklużjoni soċjali, il-wirt kulturali u ċ-ċittadinanza Ewropea, u b’hekk isaħħu l-koeżjoni ekonomika, soċjali u territorjali bejn il-fruntieri. 

Il-Kumitat Ewropew tar-Reġjuni jassenja l-premju “Nibnu l-Ewropa f’livell Transfruntier” għar-REKT fuq bażi biennali.

Min jista’ japplika?

Raggruppamenti Ewropej ta’ Kooperazzjoni Territorjali (REKT) stabbiliti, li l-ħolqien tagħhom ġie nnotifikat lill-Kumitat Ewropew tar-Reġjuni skont ir-Regolament dwar ir-REKT.