Servizz tal-Protokoll u żjarat

Il-Kumitat Ewropew tar-Reġjuni jilqa’ l-politiċi lokali, nazzjonali u Ewropej u jorganizza żjarat ta’ informazzjoni għall-membri tal-pubbliku li jixtiequ jitgħallmu kif jaħdem il-KtR.

European Committee of the Regions
© Atelier Paul Noel sprl and Art& Build s.a.

F’din il-paġna

Servizz tal-Protokoll

Bħala l-assemblea tal-UE tar-rappreżentanti lokali u reġjonali, il-Kumitat Ewropew tar-Reġjuni huwa istituzzjoni politika li l-ħidma tagħha tinvolvi ż-żamma ta’ relazzjonijiet mill-qrib mar-rappreżentanti għolja fil-livelli Ewropej, nazzjonali, reġjonali u lokali.

Peress li l-Kumitat jirċievi aktar minn 250 żjara fis-sena, l-Unità tal-Protokoll tiżgura li l-assistenza pprovduta tissodisfa l-istandards stabbiliti mill-KtR fir-rigward tal-akkoljenza tal-presidenti tal-istituzzjonijiet Ewropej u internazzjonali, il-kapijiet ta’ stat u ta’ gvern, il-presidenti tar-reġjuni u s-sindki, kif ukoll tal-ospitar ta’ għexieren ta’ avvenimenti u ċerimonji uffiċjali.

Is-Servizz tal-Protokoll jiżgura wkoll kooperazzjoni effettiva mal-kontropartijiet tiegħu fl-istituzzjonijiet Ewropej u l-organizzazzjonijiet imsieħba l-oħra.

Żjarat

Il-preżentazzjoni, li ssir minn uffiċjal tal-KtR, ġeneralment iddum siegħa u tinkludi introduzzjoni ġenerali dwar il-Kumitat. Iż-żjarat huma organizzati bejn id-9.30 a.m. u l-4.30 p.m. mit-Tnejn sal-Ħamis, u sas-2.30 p.m. nhar ta’ Ġimgħa.

It-talbiet għandhom jintbagħtu lis-Servizz tal-Viżitaturi xahrejn minn qabel u għandhom jinkludu l-informazzjoni li ġejja:

  • in-numru ta’ parteċipanti
  • it-tip ta’ grupp
  • il-lingwi mitkellma
  • l-età tal-parteċipanti
  • id-dettalji ta’ kuntatt tal-mexxej tal-grupp (isem, indirizz, numru tat-telefown, numru tal-faks u indirizz elettroniku).

Jekk jogħġbok uża l-kwestjonarju previst għat-talba tiegħek.

Infakkruk li:

  • grupp irid ikollu mill-inqas 15-il parteċipant;
  • il-parteċipanti għandu jkollhom mill-inqas 14-il sena;
  • iż-żjarat virtwali huma possibbli.

Żur l-istituzzjonijiet Ewropej

Apparti ż-żjarat privati, tista’ wkoll iżżur id-diversi istituzzjonijiet Ewropej, inkluż il-Kumitat tar-Reġjuni, darba fis-sena matul Jum l-Ewropa.

Dokumenti