Cad is eTranslation ann?
Is uirlis úsáideach ar líne é an meaisínaistriúchán is féidir a úsáid am ar bith, áit ar bith chun téacs a thuiscint. Cé go bhfuil feabhas ollmhór tagtha ar an teicneolaíocht seo thar na blianta, ní mór a bheith ar an eolas go bhféadfaidh cáilíocht agus cruinneas na n-aistriúchán athrú ó théacs go téacs, ag brath ar an chineál an téacs atá ann agus ar an bpéire teangacha atá i gceist.
Tá an aip eTranslation a d’fhorbair an Coimisiún Eorpach ar cheann de na haipeanna meaisínaistriúcháin is cruinne agus is éifeachtúla ar an margadh.
- Aistrigh go breis agus 24 theanga agus uathu
- Slán agus go hiomlán saor in aisce
- Uirlis aistriúcháin sholáimhsithe ar líne
Cé atá in ann eTranslation a rochtain?
Cuirtear eTranslation ar fáil faoi láthair d’institiúidí an Aontais agus don lucht riaracháin phoiblí náisiúnta, do na húdaráis áitiúla agus réigiúnacha agus d’fhiontair bheaga agus mheánmhéide, don lucht acadúil agus d’eagraíochtaí neamhrialtasacha, sin agus dóibhsean atá ag obair ar thionscadail faoin gclár don Eoraip Dhigiteach laistigh den Aontas Eorpach agus i dtíortha atá cleamhnaithe leis an gclár sin. Is féidir le hiarrthóirí EPSO eTranslation a úsáid freisin le linn an phróisis earcaíochta.