CnaR ag seasamh i ndlúthpháirtíocht leis an Úcráin

Is ilghnéitheach na hiarrachtaí atá Coiste Eorpach na Réigiún a dhéanamh chun tacú leis an Úcráin; an abhcóideacht pholaitiúil, an malartú feasa gnó agus tuilleadh nach iad chun an ionadaíocht a éascú do chathracha, do réigiúin agus do chomhlachais na hÚcráine sa Bhruiséil. ​​

© Dovapi - Getty Images

Ar an leathanach seo

Comhghuaillíocht Eorpach na gCathracha agus na Réigiún ar mhaithe le hAtógáil na hÚcráine

Sheol CnaR agus comhpháirtithe na n-údarás áitiúil agus réigiúnach ón Aontas agus ón Úcráin an Chomhghuaillíocht seo i mí an Mheithimh 2022 chun tacú le téarnamh agus atógáil na hÚcráine.

Déanann CnaR rúnaíocht na Comhghuaillíochta a óstáil agus eagraíonn sé imeachtaí, ceardlanna agus comhdhálacha thar cheann na Comhghuaillíochta. Is í rannpháirtíocht bhliantúil na Comhghuaillíochta sna Comhdhálacha Idirnáisiúnta maidir le Téarnamh na hÚcráine an buaicphointe polaitiúil sna comhdhálacha, áit a mbíonn moltaí comhpháirteacha ó údaráis áitiúla agus réigiúnacha an Aontais agus ón Úcráin á roinnt.

Tuilleadh eolais faoin gComhghuaillíocht

Comhchoiste Comhairliúcháin idir CnaR agus an Úcráin

Is comhlacht déthaobhach é an Comhchoiste Comhairliúcháin idir CnaR agus an Úcráin. Tá sé d’aidhm ag comhaltaí CnaR agus údaráis áitiúla agus réigiúnacha na hÚcráine an caidreamh idir an tAontas Eorpach agus an Úcráin a neartú. I bhfianaise na gcinntí tábhachtacha atá déanta ag an Aontas maidir le todhchaí Eorpach na hÚcráine, in éineacht le gníomhaíochtaí tacaíochta CnaR, is é an Comhchoiste Comhairliúcháin idir CnaR agus an Úcráin a chothaíonn an t-idirphlé idir ionadaithe áitiúla agus réigiúnacha de chuid an Aontais agus na hÚcráine. Déanann an Comhchoiste monatóireacht ar na forbairtí san Úcráin agus aird ar leith acu ar athchóiriú an díláraithe, ar fhothú na hacmhainneachta do na húdaráis áitiúla agus réigiúnacha, agus ar an ailíniú le acquis an Aontais maidir leis an mBeartas Réigiúnach.

Tuilleadh eolais faoin gComhchoiste Comhairliúcháin. 

Pacáiste tacaíochta 10 bpointe

Tugann CnaR sraith de bhearta tacaíochta saincheaptha atá cothrom le dáta d’údaráis áitiúla agus réigiúnacha na hÚcráine go rialta. Is le hatógáil na hÚcráine agus le haontachas na tíre leis an Aontas a bhaineann na bearta seo . I measc na mbeart sin tá an gealltanas an ghné áitiúil agus réigiúnach den Chomhdháil ar Théarnamh na hÚcráine a neartú, sin agus Comhchoiste Comhairliúcháin idir CnaR agus an Úcráin a bhunú. Tá sé d’aidhm aige freisin an abhcóideacht ar son na n-údarás áitiúil agus réigiúnach a threisiú i bhfianaise an chéad Chreata Airgeadais Ilbhliantúil eile de chuid an Aontais. Tá sé mar sprioc aige cur le líon na gcomhpháirtíochtaí ar leibhéal na gcathracha agus na réigiún, borradh a chur faoin gcomhar trasteorann, agus dul i dteagmháil le raon níos leithne páirtithe leasmhara, an pobal gnó, cuir i gcás. Chun tuilleadh eolais a fháil, féach thíos an leagan is déanaí den phacáiste tacaíochta.

Tuilleadh eolais faoin bpacáiste tacaíochta

Campaí Samhraidh do leanaí na hÚcráine

Mar thoradh ar iarrachtaí comhpháirteacha Choiste Eorpach na Réigiún, a Chomhaltaí agus Chomhlachas chathracha na hÚcráine, tá deis ag leanaí ón Úcráin saoire a chaitheamh ar a suaimhneas i gcathracha agus i réigiúin éagsúla ar fud na hEorpa.

Tuilleadh eolais faoi na Campaí Samhraidh

An clár oiliúna agus intéirneachta ‘Tacaíocht do bhardais agus comhar idirbhardasach na hÚcráine’ (TIPS4UA)

Ceapadh clár TIPS4UA, clár atá á chur chun feidhme ag Coiste Eorpach na Réigiún (CnaR) i gcomhar le U-LEAD with Europe, chun aghaidh a thabhairt ar na riachtanais shonracha atá ag údaráis áitiúla agus réigiúnacha na hÚcráine. 

Tuilleadh eolais faoin gClár Oiliúna agus Intéirneachta

Na hilmheáin

Tá tuilleadh físeáin ar ár gcainéal Youtube agus an t-ardán sruthaithe. 

Doiciméid