Il-mexxejja lokali u reġjonali jappellaw għal standards tax-xogħol aktar ġusti fl-agrikoltura

Ir-reġjuni u l-bliet iridu implimentazzjoni aħjar tal-kundizzjonalità soċjali fl-aċċess għall-fondi tal-UE biex jiġu żgurati kundizzjonijiet tax-xogħol ġusti għall-ħaddiema agrikoli.

Fl-20 ta’ Novembru, il-Kumitat Ewropew tar-Reġjuni (KtR) adotta opinjoni dwar “Kundizzjonijiet tax-xogħol ġusti fl-agrikoltura: il-perspettiva lokali u reġjonali", immexxija minn Karine Gloanec-Maurin, l-Ewwel Viċi Sindku ta' Couëtron au Perche, li tappella għal protezzjonijiet tax-xogħol imsaħħa u kundizzjonijiet tax-xogħol imtejba għall-forza tax-xogħol agrikola tal-Ewropa.

L-Opinjoni hija rispons għall-isfidi kritiċi li qed jiffaċċja s-settur agrikolu, inklużi l-azjendi agrikoli tal-familja li qed jonqsu, id-dipendenza dejjem akbar fuq il-ħaddiema migranti, u n-nuqqas ta’ ħaddiema. Il-forza tax-xogħol agrikola hija mistennija li tonqos bi 2 % kull sena, u tonqos minn 17-il miljun ħaddiem fl-2020 għal 7,7 miljun biss fl-2030. 

Fl-Opinjoni, il-mexxejja lokali u reġjonali jenfasizzaw il-ħtieġa li tiġi implimentata aħjar il-kundizzjonalità soċjali fi ħdan il-Politika Agrikola Komuni (PAK),biex jiġu żgurati standards tax-xogħolġusti madwar l-UE. Huma jargumentaw li penali armonizzati għall-ksur tal-liġi tax-xogħol jgħinu biex tiġi evitata l-kompetizzjoni inġusta u jinħolqu kundizzjonijiet ekwi għall-ħaddiema kollha.

Huma jenfasizzaw ukoll l-importanza li jittejbu l-istandards tas-saħħa u s-sikurezza fl-agrikoltura, wieħed mill-aktar setturi perikolużi tal-UE. L-Opinjoni tenfasizza l-ħtieġa għal miżuri ta’ sikurezza aktar stretti, b’mod partikolari fir-rigward tal-immaniġġjar ta’ sustanzi perikolużi bħall-pestiċidi, taħriġ imtejjeb, miżuri preventivi, u tranżizzjoni lejn prattiki tal-biedja sostenibbli.

Filwaqt li jirrikonoxxu li l-migrazzjoni relatata max-xogħol agrikolu toħloq sfidi u opportunitajiet speċifiċi għaċ-ċittadini mhux tal-UE u l-komunitajiet ospitanti, ir-reġjuni u l-bliet jitolbu appoġġ akbar għall-komunitajiet rurali b’riżorsi u infrastruttura rilevanti. Il-KtR iħeġġeġ ukoll lill-UE tadotta konvenzjonijiet internazzjonali li jipproteġu lill-ħaddiema migranti u timmonitorja l-kundizzjonijiet tax-xogħol fil-ktajjen tas-sottokuntrattar biex tipprevjeni abbużi jew prattiki bħad-“dumping soċjali”. Korpi indipendenti għar-rapportar tal-ksur tax-xogħol, flimkien ma’ żieda fis-sensibilizzazzjoni dwar id-drittijiet tax-xogħol u l-appoġġ tat-trade unions, jiżguraw li l-ħaddiema agrikoli kollha, inklużi n-nisa, il-gruppi ta’ minoranza, u l-individwi b’diżabilità, ikunu rappreżentati u protetti b’mod adegwat.

Fl-aħħar nett, ir-rappreżentanti lokali u reġjonali jippromovu investimenti fil-livell tal-UE f’ġbir aktar komprensiv ta’ data dwar il-kundizzjonijiet tax-xogħol, li jgħin lil dawk li jfasslu l-politika jifhmu aħjar u jindirizzaw l-isfidi kontinwi fis-settur.

Kwotazzjoni 

Ir-relatur Karine Gloanec-Maurin (FR/PSE), l-Ewwel Viċi Sindku ta’ Couëtron au Perche: "

Il-kuntest

Matul is-sedutata' smigħta' konferma tiegħu fil-Parlament Ewropew fl-4 ta' Novembru, il-Kummissarju nnominat għall-Agrikoltura u l-Ikel Christophe Hansen enfasizza l-importanza li l-ħaddiema agrikoli jiġu ttrattati bl-istess standards għoljin applikati f'setturi oħra. Il-Kummissarju nnominat irrakkomanda sorveljanza mtejba mill-awtoritajiet nazzjonali tax-xogħol, filwaqt li nnota l-ħtieġa li jiġu indirizzati l-lakuni fl-infurzar biex id-drittijiet tal-ħaddiema jiġu protetti b’mod effettiv. Barra minn hekk, huwa enfasizza l-kundizzjonalità soċjali fil-Politika Agrikola Komuni (PAK) bħala essenzjali. Filwaqt li rrikonoxxiet l-isfidi tas-saħħa mentali fil-komunitajiet rurali, speċjalment għall-bdiewa, il-Kummissarju nnominat appellat għal sensibilizzazzjoni dwar is-saħħa mentali u taħriġ dwar il-ġestjoni tal-istress għall-ħaddiema agrikoli, peress li l-aċċess għal dawn is-servizzi għadu limitat fiż-żoni rurali.

Il-KtR adotta Opinjoni dwar “Il-Futur tal-Politika Agrikola Komuni” f’Ġunju 2024.

Xandir dirett fuq l-internet uritratti tas-sessjoni plenarja.