Ir-reġjuni u l-bliet jingħaqdu mal-Kunsill Ewropew biex iwettqu l-Aġenda Strateġika tal-UE fil-prattika

Il-President tal-Kunsill Ewropew, António Costa, ingħaqad mal-plenarja tal-Kumitat Ewropew tar-Reġjuni (KtR) u enfasizza r-rwol ewlieni tal-mexxejja lokali u reġjonali fil-bini ta’ Ewropa aktar b’saħħitha, aktar ġusta u aktar reżiljenti lejn l-2030.

It-tnaqqis tad-disparitajiet territorjali u soċjali filwaqt li jiġu promossi t-tranżizzjonijiet ekoloġiċi u diġitali, kif ukoll l-iżgurar li l-baġit tal-Unjoni Ewropea jkun adattat għall-isfidi futuri, huma fost l-objettivi ewlenin tal-AġendaStrateġika tal-UE 2024-2029, li ġiet adottata f’Ġunju mis-27 kap ta’ stat u ta’ gvern li ltaqgħu fil-Kunsill Ewropew.

Fid-19 ta’ Frar, matul l-aħħar dibattitu plenarju ppresedut mill-President uxxenti tal-KtR Vasco Alves Cordeiro, il-President tal-Kunsill Ewropew u l-eks membru tal-KtR António Costa appellaw lill-gvernijiet nazzjonali biex jingħaqdu mal-bliet u r-reġjuni madwar objettivi strateġiċi komuni.

Il-membri tal-KtR ħeġġew lill-President Costa biex jissorvelja mill-qrib it-twettiq tal-prijoritajiet tal-UE, anke matul dibattitu politiku annwali dwar l-implimentazzjoni tal-Aġenda Strateġika minn perspettiva lokali u reġjonali. Kif ġie deskritt matul id-dibattitu, ħafna mill-prijoritajiet tal-Aġenda Strateġika tal-UE jirriflettu dak li talbu l-mexxejja tar-reġjuni u l-bliet bid-Dikjarazzjoni ta’ Mons, li ddeskriviet il-prijoritajiet tagħhom għal futur tal-Ewropa aktar b’saħħtu, aktar ġust u aktar reżiljenti. 

Kwotazzjonijiet

Vasco Alves Cordeiro, President tal-Kumitat Ewropew tar-Reġjuni: "XXX." 

António Costa, President tal-Kunsill Ewropew: "XXX."

Il-kuntest

• Filmat u ritratti mid-dibattitu.
• Id-Dikjarazzjoni ta’ Mons ġiet adottata f’Marzu fl-10 summit Ewropew tar-reġjuni u l-bliet, li għalih attendew aktar minn 3,500 mexxej lokali u reġjonali minn madwar l-Ewropa.
• Il-President António Costa serva bħala membru tal-KtR mill-2010 sal-2015, meta kien sindku ta’ Lisbona. Matul is-sħubija tiegħu, huwa kien membru attiv li ta kontributi sinifikanti għat-tfassil tal-politiki reġjonali u lokali fi ħdan l-UE, b’enfasi partikolari fuq il-promozzjoni tal-Politika ta’ Koeżjoni, Ewropa aktar soċjali, trasport sostenibbli, u moviment liberu.
• Il-President Cordeiro ltaqa’ mal-President Costa fil-31 ta’ Ottubru 2024, qabel ma beda l-mandat tiegħu fl-1 ta’ Diċembru 2024, biex jispjega l-pożizzjoni tal-KtR dwar xi wħud mill-kwistjonijiet ewlenin li qed jiġu diskussi fil-livell tal-UE, jiġifieri l-futur tal-Politika ta’ Koeżjoni u l-baġit fit-tul tal-UE li jmiss. Stqarrija għall-istampa.

Kuntatti

Matteo Miglietta
Tel. +32 470895382
Matteo.Miglietta@cor.europa.eu

Ângela Machado 
Tel: +32 475413158
Angela.machado@cor.europa.eu