Oibríonn na réigiúin agus na cathracha i gcomhar leis an gComhairle Eorpach chun Clár Oibre Straitéiseach an Aontais a chur i gcrích ar an láthair

Ghlac Uachtarán na Comhairle Eorpaí, António Costa, páirt i seisiún iomlánach Choiste Eorpach na Réigiún (CnaR) agus leag sé béim ar an ról lárnach atá ag ceannairí áitiúla agus réigiúnacha maidir le hEoraip níos láidre, níos cothroime agus níos athléimní a thógáil i dtreo 2030.

Ar phríomhchuspóiríChlár Oibre Straitéiseach an Aontais 2024-2029, a ghlac na 27 gceann stáit agus rialtais ag teacht le chéile dóibh sa Chomhairle Eorpach i mí an Mheithimh, tá éagothromaíochtaí críochacha agus sóisialta a laghdú agus an t-aistriú glas agus an t-aistriú digiteach a chur chun cinn ag an am céanna, chomh maith lena áirithiú go mbeidh buiséad an Aontais Eorpaigh oiriúnach do dhúshláin a bheidh ann amach anseo.

An 19 Feabhra, le linn na díospóireachta deiridh sa suí iomlánach, faoi chathaoirleacht Vasco Alves Cordeiro, Uachtarán CnaR atá ag dul as oifig, d’iarr Uachtarán na Comhairle Eorpaí agus António Costa, iarchomhalta de Choiste na Réigiún, ar na rialtais náisiúnta dul i gcomhar leis na cathracha agus na réigiúin maidir le cuspóirí straitéiseacha comhchoiteanna.

Thathantaigh comhaltaí CnaR ar an Uachtarán Costa dlúthfhaireachán a dhéanamh ar chomhlíonadh thosaíochtaí an Aontais, agus le linn díospóireacht pholaitiúil bhliantúil freisin maidir le cur chun feidhme an Chláir Oibre Straitéisigh ón taobh áitiúil agus réigiúnach de. Mar a leagadh amach le linn na díospóireachta, léiríonn go leor de thosaíochtaí Chlár Oibre Straitéiseach an Aontais Eorpaigh an méid a d’iarr ceannairí na réigiún agus na gcathracha le dearbhú Mons, inar leagadh amach a dtosaíochtaí do thodhchaí na hEorpa a bheidh níos láidre, níos cothroime agus níos athléimní. 

Sleachta athfhriotail

Vasco Alves Cordeiro, Uachtarán Choiste Eorpach na Réigiún: “XXX.” 

António Costa, Uachtarán na Comhairle Eorpaí: “XXX.”

Cúlra

• Físeán agus grianghraif ón díospóireacht.
• Glacadh dearbhú Mons i mí an Mhárta ag an 10ú cruinniú mullaigh Eorpach de réigiúin agus de chathracha, ar ar fhreastail os cionn 3,500 ceannaire áitiúil agus réigiúnach ó gach cearn den Eoraip.
• Bhí an tUachtarán António Costa ina chomhalta de Choiste na Réigiún ó 2010 go 2015, nuair a bhí sé ina mhéara ar Liospóin. Le linn a bhallraíochta, bhí sé ina chomhalta gníomhach a rannchuidigh go mór le beartais réigiúnacha agus áitiúla laistigh den Aontas a mhúnlú, agus béim ar leith á leagan ar thacú leis an mBeartas Comhtháthaithe, le hEoraip níos sóisialta, le hiompar inbhuanaithe agus le saorghluaiseacht.
• Bhuail an tUachtarán Cordeiro leis an Uachtarán Costa an 31 Deireadh Fómhair 2024, sular chuir sé tús lena shainordú an 1 Nollaig 2024, chun seasamh CnaR maidir le cuid de na saincheisteanna móra atá á bplé ar leibhéal an Aontais a mhíniú, eadhon a bhfuil i ndán don Bheartas Comhtháthaithe agus don chéad bhuiséad fadtéarmach eile de chuid an Aontais. Preaseisiúint.

Teagmhálaithe

Matteo Miglietta
Teil. + 32 470895382
Matteo.Miglietta@cor.europa.eu

Ângela Machado
Teil: + 32 475413158
Angela.machado@cor.europa.eu