Sweden
Jelena DRENJANIN
Membru
Member of Municipal Council, Huddinge Municipality
EPP (European People's Party)
L-awtoritajiet lokali u reġjonali jingħaqdu f’ġenerazzjoni ġdida tan-Network taċ-Ċentri Reġjonali (RegHub)
F’din il-paġna
- Ekonomija u finanzi
- Regulatory policy
Biex jimmarkaw it-tnedija tal-aħħar fażi tan-Network taċ-Ċentri Reġjonali (RegHub), iċ-Ċentri l-ġodda nġabru fil-Kumitat Ewropew tar-Reġjuni għal sessjoni ta’ ħidma inawgurali fis-26 ta’ Settembru.
Filgħodu, ġie diskuss ir-rwol tan-network u l-attivitajiet tiegħu fil-prattika, inkluża sessjoni dettaljata dwar l-evalwazzjoni tad-Direttivi dwar l-Akkwist Pubbliku ma’ Roberto Gualtieri (IT/PSE), Sindku ta’ Ruma, u Valentina Schaumburger, Membru tal-Kabinett tal-Viċi President Eżekuttiv tal-Kummissjoni Ewropea Séjourné. Dan kien segwit minn dibattitu usa’ dwar il-post tar-RegHub fl-aġenda ta’ simplifikazzjoni u implimentazzjoni tal-UE ma’ Dorota Denning, Membru tal-Kabinett tal-Kummissarju Dombrovskis, u Jelena Drenjanin (SE/PPE), membru tal-Kunsill Muniċipali ta’ Huddinge.
L-avveniment ġie konkluż b’sessjonijiet li jħarsu ’l quddiem dwar konsultazzjonijiet futuri u l-prattiċitajiet tas-sħubija fin-network.
Il-KtR u r-RegHub huma grati għar-riċeviment inawgurali li kien ġentilment ospitat mill-uffiċċju ta’ rappreżentanza ta’ Valle d’Aosta fi Brussell.
