Lista mqassra ta’ nominati għall-Premju “Sindku Paweł Adamowicz”

In-nomini tar-raba’ edizzjoni tal-Premju “Sindku Paweł Adamowicz” ingħalqu fil-15 ta’ Novembru u din is-sena tressqu għadd kbir ta’ nomini b’saħħithom. Ħafna minnhom kienu diversi ħafna u ta’ kwalità għolja ħafna, għalhekk ma kienx kompitu faċli għall-Kumitat ta’ Evalwazzjoni li jiddeċiedi dwar lista qasira.

Il-kumitat – li jivvaluta l-persuni nominati skont il-kriterji tal-eliġibbiltà u tal-għoti – ressaq lista qasira ta’ sitt persuni nominati (tnejn ikklassifikati ndaqs) li l-Ġurija għandha tiddeċiedi fosthom.

Il-Ġurija tal-Premju hija magħmula minn seba’ membri, kif ġej:

· Il-President tal-Ġurija: Patrick Molinoz, President tal-Kummissjoni CIVEX, li jirrappreżenta lill-KtR

· Javier Zarzalejos, President tal-Kumitat LIBE, li jirrappreżenta lill-Parlament Ewropew

Magdalena Adamowicz, MEP, armla ta' Paweł Adamowicz

· Aleksandra Dulkiewicz, Sindku ta' Gdańsk, sieħba tal-Premju

· Annika Stömberg, President tal-ICORN, sieħba tal-Premju

· Jelena Drenjanin, President tal-Kumitat ta’ Governanza tal-Kungress tal-Awtoritajiet Lokali u Reġjonali, li tirrappreżenta lill-Kunsill tal-Ewropa

Maddalena Alberti, Direttur tal-Aġenzija għad-Demokrazija Lokali (LDA) Zavidovići, rebbieħa tal-Premju 2023

Se jkollhom bżonn jiddeċiedu min fost il-kandidati magħżula se jsir rebbieħ ġdid.

Il-persuni nominati magħżula (f’ordni alfabetiku) huma dawn li ġejjin:

BassamAramin u Rami Elhanan (mexxejja tal-komunità Palestinjana u Iżraeljana li jaħdmu fuq ir-rikonċiljazzjoni bejn il-komunitajiet)

· Alain Chouraqui (fundatur ta' Camp des Milles, Franza)

AlexeiGorinov (mexxej tal-oppożizzjoni Russu fil-livell muniċipali, li bħalissa jinsab il-ħabs)

· Kamira (Federazzjoni Nazzjonali tal-assoċjazzjonijiet tan-nisa Rom, Spanja)

Vitali Klitschko (Sindku ta' Kiev, l-Ukrajna)

Andriy Sadovyi (Sindku ta' Lviv, l-Ukrajna)

In-nominaturi – is-sindki, il-presidenti tar-reġjuni, il-membri tal-KtR u tal-Parlament Ewropew, id-delegazzjonijiet nazzjonali fil-KtR, l-assoċjazzjonijiet nazzjonali tal-awtoritajiet lokali, il-gruppi politiċi tal-KtR, l-organizzazzjonijiet internazzjonali u l-NGOs – juru tħassib serju dwar il-kunflitti li jaqsmu l-fruntieri Ewropej.

Il-kandidati kollha jirrappreżentaw sforzi biex jinkisbu l-paċi, il-libertà, il-ġustizzja u l-integrazzjoni; il-ġlieda tagħhom kontra l-mibegħda, id-diskriminazzjoni, it-tirannija u l-gwerra, tidher bħala tensjoni qawwija ħafna tal-premju ta' din is-sena.

Ir-rebbieħ se jiġi pproklamat fi Gdańsk, matul il-kommemorazzjoni tal-mibki sindku Paweł Adamowicz, fit-13 ta’ Jannar 2025. L-avveniment se jiġi trażmess u l-aħbarijiet se jiġu ppubblikati fuq din il-paġna.

Iċ-ċerimonja tal-għoti tal-premjijiet se ssir matul is-sessjoni plenarja kostituttiva tal-Kumitat Ewropew tar-Reġjuni fl-20 ta’ Frar fi Brussell.