Díríonn réigiúin agus cathracha an Aontais ar an ngéarchéim aeráide agus ar bheartais talmhaíochta

Le seisiún iomlánach mhí Iúil de Choiste Eorpach na Réigiún (CnaR), a bheidh ar siúl sa Bhruiséil an 2-3 Iúil – cúpla lá roimh thíolacadh an togra ón gCoimisiún Eorpach le haghaidh bhuiséad fadtéarmach nua an Aontais – díreofar go láidir ar réimsí beartais atá ríthábhachtach do thodhchaí inbhuanaithe athléimneach na hEorpa. Clúdaíonn na príomhdhíospóireachtaí an turasóireacht inbhuanaithe, todhchaí an Chomhbheartais Talmhaíochta (CBT) tar éis 2027, straitéis athléimneachta uisce na hEorpa, agus comhdháil aeráide na Náisiún Aontaithe atá ar na bacáin sa Bhrasaíl.

Buailfidh na Coimisinéirí Eorpacha Apostolos Tzitzikostas (atá freagrach as iompar agus turasóireacht inbhuanaithe), Christophe Hansen (talmhaíocht agus bia), agus Jessika Roswall (an comhshaol agus athléimneacht uisce) le comhaltaí CnaR chun plé a dhéanamh ar an ról is féidir le rialtais áitiúla agus réigiúnacha a imirt chun dul i ngleic le dúshláin atá idirnasctha go domhain – ó chórais bhia inbhuanaithe a thógáil go hacmhainní nádúrtha a chosaint agus athléimneacht aeráide a chur chun cinn. Pléifidh Ana Toni, atá i gceannas ar ullmhúcháin na Brasaíle do Chomhdháil Aeráide COP30 na Náisiún Aontaithe i Belém, na tosaíochtaí agus na hionchais do chomhaontuithe idirnáisiúnta maidir le maolú ar an athrú aeráide agus oiriúnú don athrú sin i mí na Samhna agus ról na gcathracha agus na réigiún maidir leis an athrú aeráide a theorannú. 

Glacfaidh CnaR sraith moltaí gaolmhara freisin, moltaí a leagtar amach i dtuairimí maidir le tacaíocht d’earnáil an fhíona, rialacháin maidir leis an margadh talmhaíochta, fís don talmhaíocht agus don bhia, an Comhaontú maidir le Tionsclaíocht Ghlan, agus infheistíocht a shlógadh don aistriú glas. Dírítear i dtuairimí eile ar chothroime idirghlúine a áirithiú i gceapadh beartas, cibearshlándáil i gcórais cúraim sláinte ar fud an Aontais a uasghrádú, rialacha an Aontais a shimpliú agus a fheabhsú, agus an Ciste Eorpach um Choigeartú don Domhandú a chruthaigh an tAontas a athchóiriú chun cabhrú le hoibrithe a chailleann a bpost mar thoradh ar mhórathruithe struchtúracha sa trádáil dhomhanda agus sa gheilleagar.

Leansruth gréasáin  an tseisiúin iomlánaigh trí dhul chuig suíomh gréasáin CnaR agus, ar na meáin shóisialta, trí úsáid a bhaint as haischlib #CoRplenary.

KEY DEBATES [Díospóireachtaí Ríthábhachtacha]

2 Iúil, 3.05 p.m.: Díospóireacht faoin turasóireacht inbhuanaithe, le Apostolos Tsitzikostas,an Coimisinéir Eorpach um Iompar Inbhuanaithe agus um Thurasóireacht.

2 Iúil, 4.05 p.m.: Díospóireacht maidir leis an gComhbheartas Talmhaíochta (CBT) tar éis 2027, le Christophe Hansen,an Coimisinéir Eorpach um Thalmhaíocht agus Bia.

2 Iúil, 5.05 p.m.: Díospóireacht maidir le hathléimneacht uisce, le Jessika Roswall,an Coimisinéir Eorpach um an gComhshaol, um Athléimneacht Uisce agus um Gheilleagar Ciorclach Iomaíoch.

3 Iúil, 10.05 a.m.: Díospóireacht ar Chomhdháil 2025 na Náisiún Aontaithe maidir leis an Athrú Aeráide i Belém na Brasaíle (COP30), le Ana Toni,Príomhfheidhmeannach Uachtaránacht COP30 na Brasaíle, agus Antonio Decaro (IT/S&D), Cathaoirleach choiste ENVI i bParlaimint na hEorpa. 

Tuairimí maidir le Glacadh

· 'Níos mó ná maoiniú: na húdaráis áitiúla agus réigiúnacha a shlógann acmhainní poiblí agus príobháideacha chun obair leantach éifeachtach a dhéanamh ar an Idirphlé maidir leis an Aistriú Glan ar an láthair.’ Rapóirtéir: Asa Agren Wikström (SE/PPE), comhalta de Chomhairle Contae Västerbotten.

· ‘An Comhaontú maidir le Tionsclaíocht Ghlan.’ Rapóirtéir: William Elofsson (SE/PPE),leasmhéara éiceolaíochBhardas Gävle.

· ‘Cothromaíocht idirghlúine: A Local and Regional Approach to Building Inclusive and Sustainable Societies [Cur Chuige Áitiúil agus Réigiúnach chun Sochaithe Cuimsitheacha agus Inbhuanaithe a Thógáil]. Tine Radinja (SL/Na Glasaigh), méara Škofja Loka.

· 'Gníomhú ar son na hAeráide a chur chun feidhme i bhfianaise rannchuidiú AE le COP30 UNFCCC.' Rapóirtéir: Nadia Pellefigue (FR/PSE),Leas-Uachtarán Réigiún Occitanie.

· 'Fís don talmhaíocht agus do bhia.' Rapóirtéir: Joke Schauvliege (BE/PPE), comhalta de Pharlaimint Fhlóndras.

· 'Rialacháin mhargaidh agus bearta tacaíochta in earnáil an fhíona.' Roberto Ciambetti (IT/ECR), comhalta de Chomhairle Réigiúnach Veneto.

· 'Cibearshlándáil ospidéal agus soláthraithe cúraim sláinte.' Rapóirtéir: Daniela Cîmpean (RO/PPE), Uachtarán Chomhairle Contae Sibiu.

· 'Eoraip níos simplí agus níos tapúla.' Rapóirtéir: Jelena Drenjanin (SE/PPE), comhalta de Chomhairle Bardais Huddinge.

· 'Athbhreithniú ar an gCiste Eorpach um Choigeartú don Domhandú.' Rapóirtéir: Christophe Rouillon (FR/PSE), méara Coulaines.

Eolas praiticiúil: 

Suíomh: Foirgneamh Paul Henri Spaak – Seomra Tionóil, Parlaimint na hEorpa, an Bhruiséil

Dáta: Dé Céadaoin, an 2 Iúil – Déardaoin, an 3 Iúil 2025.

Ábhar cúlra: Clár oibre an tseisiúin iomlánaigh agus tuairimí agus leasuithe.

Sruthú gréasáin: Ar shuíomh gréasáin Choiste na Réigiún.

Teagmháil:

PresseCdr@cor.europa.eu