Tá ceannaireacht láidir áitiúil de dhíth chun an Úcráin a atógáil, a dúirt Uachtarán CnaR leis an Eagraíocht um Chomhar agus Forbairt Eacnamaíochta (ECFE)

Ní mór cumhacht a thabhairt do na húdaráis áitiúla agus réigiúnacha ról ríthábhachtach a bheith acu i dtéarnamh agus in atógáil na hÚcráine, a dúirt Kata Tüttő, Uachtarán Choiste Eorpach na Réigiún, an 20 Bealtaine.

Ag labhairt di ag comhdháil i Vársá a d’eagraigh an Eagraíocht um Chomhar agus Forbairt Eacnamaíochta (ECFE) dar teideal ‘Atógáilna hÚcráine: Infheistíocht i dTodhchaí na bPobal agus na Réigiún’, chuir antUachtarán Tüttőin iúl go raibh súil aige go n-aithneofar sa Chomhdháil Téarnaimh don Úcráin (URC) atá ar na bacáin sa Róimh gur gá leas a bhaint as taithí agus eolas na n-údarás áitiúil agus réigiúnach san Úcráin agus go dtacófar le comhpháirtíochtaí idirnáisiúnta a fhorbairt ar an leibhéal áitiúil agus réigiúnach. 

Freastalóidh an tUachtarán Tüttő ar URC i mí Iúil thar ceannChomhghuaillíocht Eorpachna gCathracha agus na Réigiún ar mhaithe le hAtógáil na hÚcráine, a chomhbhunaigh CnaR agus dá bhfeidhmíonn CnaR mar rúnaíocht.

Ag labhairt dó ar phainéal atá dírithe ar atógáil ghearrthéarmach tubaistí agus forbairt réigiúnach fhadtéarmach a chomhordú, leag an tUachtarán Tüttő béim ar cheithre theachtaireacht lárnacha a d’fhormhuinigh Comhghuaillíocht Eorpach na gCathracha agus na Réigiún ar mhaithe le hAtógáil na hÚcráine an 15 Bealtaine. I ráiteas comhpháirteach ,d’iarr an Chomhghuaillíocht go ndéanfaí an méid seo a leanas: 

• idirphlé leanúnach cuimsitheach maidir le riachtanais agus leasanna na n-údarás áitiúil agus réigiúnach; 

• rannpháirtíocht fhoirmiúil na n-údarás áitiúil agus réigiúnach in Ardán Deontóirí na hÚcráine, ina ndéanann deontóirí idirnáisiúnta agus údaráis na hÚcráine riachtanais straitéiseacha a shainiú, a chur in ord tosaíochta agus a sheicheamhú laistigh den phróiseas téarnaimh;

• ‘ionad ilfhreastail’ a chruthú chun comhar idirnáisiúnta idir bardais agus réigiúin a neartú;  

• díriú níos mó ar chaipiteal daonna 'le haghaidh téarnamh áitiúil éifeachtach agus forbairt pobail éifeachtach'. 

Tá na teachtaireachtaí dírithe go príomha ar na rialtais, ar eagraíochtaí idirnáisiúnta, ar institiúidí airgeadais, ar ghnólachtaí, ar réigiúin, ar bhardais agus ar eagraíochtaí na sochaí sibhialta a fhreastalóidh ar URC an 10-11 Iúil sa Róimh.

Ba chomhaltaí eile den phainéal  maidir le hatógáil ghearrthéarmach tubaistí agus forbairt réigiúnach fhadtéarmach iad François Rebsamen,Aire Pleanála Críochaí agus Díláraithe na Fraince, Hendrik Terras,Aire Gnóthaí Réigiúnacha agus Talmhaíochta na hEastóine, Kyriacos Kakouris,Leas-Uachtarán an Bhainc Eorpaigh Infheistíochta.

Ar imeall na comhdhála, shínigh an tUachtarán Tüttő meabhrán tuisceana nuashonraithe idir CnaR agus ECFE maidir le comhar i réimsí na hinfheistíochta poiblí, an rialachais il-leibhéil agus an díláraithe, na nuálaíochta san earnáil phoiblí, na forbartha réigiúnaí, uirbí agus tuaithe, an staidrimh réigiúnaigh, cúrsaí fioscacha agus an airgeadais fhonáisiúnta.

Luaigh:

• Kata Tüttő,Uachtarán Choiste Eorpach na Réigiún: ‘Beidh réigiúin agus cathracha láidre ag teastáil ón Úcráin chun bonn a chur faoina téarnamh eacnamaíoch agus sóisialta, chun athchóiriú a chur chun feidhme, agus chun an Úcráin a thabhairt níos gaire do na caighdeáin atá leagtha síos ag an Aontas a chomhlíonadh. Is iad cathracha agus réigiúin na hÚcráine is fearr atá ar an eolas faoina mbunriachtanais agus faoi na dúshláin sháraitheacha atá rompu. Is iad is fearr atá in ann fís a fhorbairt do thodhchaí a bpobal. Is iad is fearr atá in ann atógáil ar bhealach níos fearr.” 

Teagmháil:

Wioletta Wojewodska 

Teil: +32 473 843 986

wioletta.wojewodska@cor.europa.eu