Il-Premjijiet tal-UE għall-Produzzjoni Organika 2025: applika issa!

Il-perjodu ta’ applikazzjoni għall-Premjijiettal-UE għall-Produzzjoni Organikatal-2025 huwa miftuħ uffiċjalment u se jibqa’ għaddej sas-27 ta’ April 2025. Il-premjijiet, organizzati b’mod konġunt mill-Kumitat Ewropew tar-Reġjuni (KtR), il-Kummissjoni Ewropea, il-Kumitat Ekonomiku u Soċjali Ewropew, COPA-COGECA, u IFOAM Organics Europe, jirrikonoxxu inizjattivi eċċellenti li jikkontribwixxu għat-tkabbir u s-suċċess tal-produzzjoni u l-konsum organiċi. Il-premjijiet jiċċelebraw l-eċċellenza, l-innovazzjoni, is-sostenibbiltà, u l-impatt tul il-katina tal-valur organiku. 

Il-Premjijiet tal-UE għall-Produzzjoni Organika jikkonsistu f’sitt kategoriji u seba’ premjijiet, inklużi żewġ premjijiet speċjali ppreżentati mill-KtR: l-aħjar reġjun organiku jew bijodistrett u l-aħjar belt organika. L-applikazzjonijiet għal dawn il-kategoriji jistgħu jiġu sottomessi sas-27 ta’ April 2025, u r-rebbieħa se jiġu żvelati fil-Jum Organiku tal-UE, it-23 ta’ Settembru 2025. 

Permezz ta’ dawn il-premjijiet, il-KtR ikompli jippromovi l-biedja organika sostenibbli billi jippromovi rakkomandazzjonijiet leġiżlattivi fl-Opinjonitiegħu dwar il-pjan ta’ azzjoni tal-UE għall-biedja organika. Barra minn hekk, fi sħubija mal-Kummissjoni Ewropea, il-KtR huwa impenjat li juri u jappoġġja l-aħjar prattiki u proġetti pijunieri żviluppati mill-komunitajiet lokali madwar l-UE. 

Kwotazzjoni: 

Kirstine Helene BILLE (DA/Ħodor), rappreżentanta tal-KtR fil-ġurija tal-Premjijiet għall-Produzzjoni Organika: “L-impenn favur l-agrikoltura organika jfisser investiment fil-futur tat-territorji tagħna. Billi tapplika għall-Premjijiet Ewropej għall-Produzzjoni Organika, il-belt jew ir-reġjun tiegħek jaffermaw it-tmexxija tagħhom għal agrikoltura sostenibbli, ikel tajjeb għas-saħħa u ekonomija lokali reżiljenti.” 

Informazzjoni ta' sfond: 

• Il-formoli tal-applikazzjoni online huma disponibbli hawnhekk. 

• L-awtoritajiet lokali u reġjonali jaqdu rwol ewlieni fl-iżvilupp tal-produzzjoni organika fir-reġjuni tagħhom. Hemm diversi lievi li jistgħu jużaw upstream, bħall-politika tal-art li tippromwovi l-istabbiliment ta’ azjendi agrikoli ġodda u li tħeġġeġ lill-bdiewa jaqilbu għall-biedja organika, u downstream, billi joħolqu swieq lokali u jiżguraw li dawk li jibdew il-biedja organika jkollhom żbokk għall-prodotti tagħhom. Il-Premjijiet għall-Produzzjoni Organika għall-aħjar reġjun u belt organiċi se jħeġġuhom jagħmlu saħansitra aktar għall-iżvilupp ta’ dan is-settur. 

• Fl-2024, ir-reġjun ta’ Savo t’Isfel fil-Finlandja, il-belt ta’ Bremen fil-Ġermanja, u d-distrett bijodistrettwali ta’ Sörmland, l-Iżvezja kienu r-rebbieħa tal-Premjijiet tal-UE għall-Produzzjoni Organika ppreżentati mill-KtR. Stqarrija għall-istampa