Imnedija l-Alleanza Ewropea għaż-Żoni Muntanjużi

Il-KtR ul-Parlament Ewropew huma impenjati li jipproteġu,jagħtu s-setgħa,u jinvestu fir-reġjunimuntanjużi bħala pilastri ewlenin tal-futur sostenibbli tal-Ewropa.  

Matul dibattitu waqt il-kolazzjon li sar fl-14 ta’ Mejju, imniediminn Marie Antoinette Maupertuis, membru tal-Kumitat Ewropew tar-Reġjuni (KtR), u Herbert Dorfmann, Membru tal-Parlament Ewropew, tnedietuffiċjalment l-Alleanza Ewropea għaż-Żoni tal-Muntanji. Bl-appoġġ ta’ Euromontana,l-Assoċjazzjoni Ewropea taż-Żoni Muntanjużi, l-inizjattiva għandha l-għan li ssaħħaħ il-vuċi tar-reġjuni muntanjużi fi ħdan l-istituzzjonijiet Ewropej. 

L-ewwel laqgħa kienet opportunità biex jiġu mistiedna l-MEPs u l-membrikollha tal-KtR minn jew li jirrappreżentaw żoni muntanjużi biex jingħaqdu mal-inizjattiva, biex jirriflettu dwar l-implikazzjonijiet possibbli tal-arkitettura futura tal-Qafas Finanzjarju Pluriennali (QFP) għat-territorji muntanjużi, u biex jivvalutaw l-opportunitajiet għall-kooperazzjonifid-dawl tal-istadji importantital-politika li ġejjin. 

L-Alleanza l-ġdida tfittex li tamplifika l-vuċi tat-territorji muntanjużi fi ħdan l-istituzzjonijiet Ewropej u li tiżgura appoġġ immirat u fit-tul għal dawn ir-reġjuni, li jkopru 30 % tal-massa tal-art tal-Ewropa u jospitaw 13 % tal-popolazzjoni tagħha. Minkejja l-kontribut vitali tagħhom għall-bijodiversità, ir-riżorsi tal-ilma, l-agrikoltura u l-wirt kulturali, iż-żoni muntanjużi jiffaċċjaw sfidi speċifiċi u li jikkoinċidu, li jvarjaw minn infrastruttura u servizzi pubbliċi limitati għall-vulnerabbiltà ekonomika u t-tibdil fil-klima. 

Fil-qalba tal-inizjattiva hemm ir-rikonoxximent tad-“dritt li wieħed jibqa’” fir-reġjunimuntanjużi, li jiżgura li n-nies ikunu jistgħu jgħixu, jaħdmu u jirnexxu f’dawn iż-żoni b’aċċess ugwali għall-opportunitajiet u s-servizzi. Huwa jappella wkoll għal strateġiji ddedikati tal-UE biex it-territorji muntanjużi jsiru aktar attraenti, reżiljenti u sostenibbli, f’konformità mal-Viżjoni fit-Tul għaż-Żoni Rurali. 

L-Alleanza tħeġġeġ lil dawk li jfasslu l-politika Ewropea biex jissodisfawl-impenji tal-Artikolu 174 tat-Trattat dwar il-Funzjonament tal-UE, li jagħti attenzjoni speċjali lir-reġjuni bi żvantaġġi ġeografiċi jew demografiċi permanenti, inklużi ż-żoni muntanjużi. Billi tgħaqqad il-forzi, l-Alleanza għandha l-għan li ssarraf din il-viżjoni f’azzjonijiet leġiżlattivi u finanzjarji konkreti fil-mandatEwropew. 

Kwotazzjonijiet  

Marie-Antoinette Maupertuis (FR/AE), President tal-Assemblea ta’ Korsika: “Ir-reġjuni muntanjużi mhumiex qed jitolbu privileġġi jew kompassjoni: huma sempliċement eżiġenti li jiġu ttrattati b'mod li jkun proporzjonat mal-kontribut strateġiku tagħhom għall-Unjoni Ewropea. B’din l-Alleanza, għandna ambizzjoni ċara: biex il-karatteristiċi speċifiċi tagħna jsiru parti dejjiema mill-prijoritajiet politiċi u baġitarji tal-Ewropa.” 

Herbert Dorfmann (IT/PPE), Membru tal-Parlament Ewropew: “xxx” 

Laura Gascon Herrero,President tal-Euromontana: “Iż-żoni muntanjużi tal-Ewropajiffaċċjaw sfidi uniċi li jeħtieġu risponsi politiċi u baġitarji ambizzjużi u mfassla apposta. Nilqa’ b’sodisfazzjon l-alleanza bejn ir-rappreżentanti tal-Parlament Ewropew u l-Kumitat Ewropew tar-Reġjuni. Nistennew li l-alleanza tiskatta passi futuri biex jiġi żgurat li t-territorji muntanjużi jirċievu l-attenzjoni ffukata li jistħoqqilhom — attenzjoni rikonoxxuta fit-Trattati Ewropej, li s’issa għadha ma ġietx realizzata bis-sħiħ.”  

Il-kuntest  

• Photos mill-avveniment . 

• Manifesttal-Alleanza . 

Il-Kuntatt  

Hélène Dressen
Tel: +32 471502795
Helene.dressen@cor.europa.eu