Nifhmu l-Ewropa mill-perspettiva lokali u reġjonali
Abbażi ta’ studji oriġinali kkummissjonati mill-Kumitat Ewropew tar-Reġjuni, kif ukoll abbażi ta’ riċerka akkademika, kontributi minn istituzzjonijiet Ewropej oħra u dokumentazzjoni b’sors miftuħ, dan ir-Rapport jipprovdi fatti u data għal dawk li jfasslu l-politika u għall-partijiet ikkonċernati rilevanti. Is-sejbiet u r-rakkomandazzjonijiet ewlenin ġew riflessi fid-diskors annwali dwar l-Istat tar-Reġjuni u l-Bliet fl-Unjoni Ewropea, tal-President tal-Kumitat Ewropew tar-Reġjuni, Vasco Alves Cordeiro, fis-7 ta’ Ottubru 2024.
Ir-Rapport ta’ din is-sena, ippubblikat fl-okkażjoni tat-30 anniversarju tal-Kumitat Ewropew tar-Reġjuni, jiffoka fuq soluzzjonijiet u ideat għall-futur tal-Ewropa u jikkonsisti fi pjan ta’ azzjoni għal Unjoni Ewropea eqreb, aktar b’saħħitha, aktar koeżiva u ambizzjuża. Apparti li juri biċ-ċar l-importanza tar-reġjuni u l-bliet u l-aktar sfidi urġenti li jiffaċċjaw, joffri wkoll rakkomandazzjonijiet dwar it-talbiet tagħhom u dwar x’jistgħu jagħmlu.
Ir-Rapport iħares ’il quddiem, u jipprovdi gwida ta’ prospettiva fil-bidu tal-mandat il-ġdid tal-istituzzjonijiet tal-UE.
