Cathracha agus réigiúin an Aontais ag COP29: An tUachtarán Vasco Cordeiro i gceannas ar thoscaireacht CnaR in Baku

Beidh an 29ú Comhdháil de Pháirtithe Chreat-Choinbhinsiún na Náisiún Aontaithe maidir leis an Athrú Aeráide (UNFCCC COP29) ar siúl in Baku na hAsarbaiseáine ón 11 go dtí an 22 Samhain. Faoi stiúir an Uachtaráin Vasco Alves Cordeiro, tá toscaireacht Choiste Eorpach na Réigiún ag obair i gcomhar le príomhlíonraí idirnáisiúnta rialtas fonáisiúnta chun ról tábhachtach na réigiún agus na gcathracha sa ghníomhú ar son na haeráide a thabhairt chun cuimhne. Beidh cruinnithe ag na comhaltaí le hidirbheartaithe ón Aontas agus ó Bhallstáit éagsúla, chomh maith le méaraí agus ceannairí réigiúnacha ógach cearn den domhan. Agus an maoiniú don troid i gcoinne an athraithe aeráide mar phríomhábhar sa tábla caibidlíochta, cuirfidh CnaR staidéar nua i láthair maidir le sásraí maoiniúcháin don oiriúnú ar an leibhéal áitiúil.

Ós rud é go mbíonn tionchar ag tuilte marfacha agus tubaistí aeráide eile ar réigiúin ar fud na hEorpa, sa Spáinn le déanaí, iarrfaidh toscaireacht CnaR go ndíreofaí níos mó ar bhearta oiriúnaithe ar an leibhéal áitiúil agus réigiúnach agus go gcuirfí cistiú breise ar fáil dóibh, chomh maith le béim a leagan ar an ngá atá leis na gealltanais a tugadh ag COP28 anuraidh a chomhlíonadh, lena n-áirítear deireadh a chur de réir a chéile le breoslaí iontaise a luaithe is féidir agus aistriú cóir do gach réigiún á áirithiú ag an am céanna.

I gcomhréir leis an seasamh comhpháirteach a comhaontaíodh le líonraí domhanda rialtas áitiúil agus réigiúnach, tá na réigiúin agus na cathracha ag iarraidh go gcuirfí san áireamh iad i ndearadh agus i gcur chun feidhme na Rannchuidithe nua arna gCinneadh go Náisiúnta, atá dlite ag COP30 in 2025, agus na cláir oibre maidir leis an aeráid, an dúlra, an truailliú agus an fhorbairt inbhuanaithe a ailíniú ar an leibhéal domhanda.

Luaigh:

An tUachtarán Vasco Alves Cordeiro: ‘Arfud na hEorpa agus ar fud an domhain, tá an t-aistriú glas á chur i gcrích ar an láthair ag na réigiúin agus na cathracha. Ag an am céanna, tá méadú ag teacht ar an tionchar atá ag an ngéarchéim aeráide orthu. Ag COP29, tacóidh toscaireacht Choiste Eorpach na Réigiún le húdaráis áitiúla agus réigiúnacha a áireamh i bhforbairt, maoiniú agus cur chun feidhme pleananna aeráide náisiúnta uaillmhianacha as seo go 2025. Tá ról ríthábhachtach ag na réigiúin agus na cathracha maidir le rath Chomhaontú Pháras agus an Chomhaontaithe Ghlais don Eoraip, ach ní féidir linn é a dhéanamh linn féin. Tá gá le rialachas il-leibhéil éifeachtach agus tacaíocht airgeadais spriocdhírithe chun a chinntiú go n-éireoidh leis an aistriú.”

Buaicphointí (féachblag beo COP29 chun nanuashonruithe is déanaí a fháil):

11 Samhain: Oscailt COP. Freastalóidh comhaltaínadtoscaireachtaí ar sheisiún oscailte COP29. Tráthnóna, glacfaidh Uachtarán Thionól Cathrach Shágraib Joško Klisović(HR/PSE), páirt mar phainéalaí in imeacht maidir le Pleananna Náisiúnta Oiriúnaithe agus ról na n-údarás áitiúil i múnlú na bpleananna sin. Díreofar sa phlé ar an gcaoi ar féidir le cathracha agus réigiúin cabhrú leis an mbearna a dhúnadh idir riachtanais oiriúnaithe áitiúla agus na pleananna oiriúnaithe náisiúnta.

12 Samhain: Oscailt an Phailliún Gníomhaíochta Il-leibhéil. Is é an Pailliún Uirbithe an chéim dhomhanda do chlár oibre aeráide na cathrach agus an réigiúin le linn COP29. Aithníteartoghlach na Rialtas Áitiúil agus na nÚdarás Bardasach (LGMA) mar chomhpháirtí cur chun feidhme i gComhaontú Pháras agus déanann sé ionadaíocht ar rialtais áitiúla agus réigiúnacha i bpróiseas UNFCCC. D’fhormhuinigh CnaRComhsheasamh LGMA COP29 lena dtugtar guthanna na gcathracha agus na réigiún le chéile chun cur le héilimh na ngníomhaithe fonáisiúnta. Beidh cruinnithe déthaobhacha ag anUachtarán Vasco Cordeiro agus comhaltaí eile den toscaireacht freisin le hidirbheartaithe agus le hionadaithe ón nGearmáin, ón nGréig, ó Albain agus ón bPolainn.

13 Samhain: Freagairt Thoghcheantar LGMA ar an gCruinniú Mullaigh Domhanda maidir le Gníomhú ar son na hAeráide. Roinnfidh ceannairí áitiúla agus réigiúnachaan domhain a machnamh ar an bplé a rinneadh ag angCruinniú Mullaigh Domhanda maidir le Gníomhú ar son nahAeráide (WCAS) agus ar ról na rialtas áitiúil agus réigiúnach maidir le beartais a chur chun feidhme chun cuspóirí Chomhaontú Pháras a bhaint amach. Labhróidhan tUachtarán Vasco Cordeiro i seisiún ardleibhéil le Gobharnóir Tóiceo agus le Méaraí Iostanbúl agus Thiorána. Tugtar cuireadh freisin d’Uachtarán CnaR freastal ar Imeacht oifigiúil WCAS um an Taobh Uirbeach, agus tabharfaidh sé príomhóráid ag oscailtPhailliún na Meánmhara. Beidh seisiún faisnéise ag na Feisirí freisin le hidirbheartaithe an Aontais (Leas-Ardstiúrthóir AS CLIMA, Jan Dusík). Déanfaidh Juraj Droba (SK/ECR), Uachtarán Réigiún Féinrialaitheach na Bratasláive, idirghabháil ag anbhFóram Nuálaíochta Inbhuanaithe maidir le réitigh iompair chliste.

14 Samhain: Gníomhaíocht áitiúil, spriocanna domhanda: Tacaíocht na Náisiún Aontaithe do chathracha sna NDCanna. Labhróidh antUachtarán Vasco Cordeiro ag taobhimeacht na Náisiún Aontaithe maidir le Gnáthóga agus béim á leagan ar athbhreithniú na Rannchuidithe arna gCinneadh go Náisiúnta (NDCanna) faoi 2025. Díreofar sa phlé ar ábhar uirbeach NDCanna athbhreithnithe a neartú agus ar chur leis an ngníomhú áitiúil ar son na haeráide chun spriocanna domhanda a bhaint amach. Beidh cruinniú ag toscaireacht CnaR freisin le líonraí domhanda cathracha agus réigiún (Réigiúin4, UNEP, Climate-Kic, Under2Coalition agus ICLEI).

15 Samhain: Crios Nuálaíochta maidir le Gníomhú ar son na hAeráide. Labhróidh Méara Autun Vincent Chauvet(FR/Renew Europe) ag angCruinniú Mullaigh maidir le Córais Agraibhia chun plé a dhéanamh ar chonairí atá faoi stiúir feirmeoirí i dtreo aistriú cóir. Déanfaidh comhalta den Pharlaimint Phléimeannach, Andries Gryffroy (BE/EA), idirghabháil ag an gCruinniú Mullaigh um Aistriú Hidrigine maidir leis na dálaí is fearr a chruthú chun bonneagar mear hidrigine a chur i bhfeidhm. Tá an dá imeacht comhthreomhar le COP29 agus eagraíonn Gníomhú ar son na hAeráide iad saChrios Nuálaíochta um Ghníomhú ar son na hAeráideag Óstán Baku Marriott Boulevard. Idir an dá linn ag ionad COP29, malartóidh comhaltaí na toscaireachta tuairimí le hAire Comhshaoil Québec Benoît Charrette.

16 Samhain: An Cás Gnó maidir le Maoiniú don Aeráid a Thógáil ar an Leibhéal Fonáisiúnta. Tátaobh-imeachtoifigiúil á eagrú ag CnaR i gcomhpháirtíocht leis na líonraí réigiúnacha, agus cuirfidh Niina Ratilainen (FI/na Glasaigh), Comhalta de Chomhairle Cathrach Turku, príomhthorthaí an staidéir nua ó Choiste na Réigiún maidir le sásraí um maoiniú oiriúnúcháin i láthair ann. Scrúdaíonn sé ceithre chás-staidéar ar fud an AE (sa tSualainn, sa Spáinn, sa Fhrainc agus sa tSlóvaic) chun fadhbanna a aithint d'údaráis áitiúla agus réigiúnacha maidir le rochtain a fháil ar fhoinsí maoinithe le haghaidh oiriúnaithe agus soláthraíonn sé moltaí maidir le conas iad a shárú.

19 Samhain: Faisnéisiú leis an gCoimisinéir Eorpach, le Parlaimint na hEorpa agus le toscaireachtaí CESE. DéanfaidhUachtarán na hAndalúise, Juan Manuel Moreno Bonilla (ES/PPE), ionadaíocht thar ceann CnaR chun foghlaim faoin staid reatha is déanaí i gcaibidlíochtaí COP29 agus chun tosaíochtaí CnaR a chur i láthair.

20 Samhain: An tAire Aeráide agus Uirbithe. Beidhcathracha, uirbiú inbhuanaithe, gníomhú il-leibhéil agus ilearnálach ar son na haeráide agus maoiniú uirbeach don aeráid i gcroílár lá téamach COP29 maidir le hUirbiú, Iompar agus Turasóireacht. Freastalóidhan tUasal Moreno Bonilla ar an gCruinniú Aireachtamaidir le hUirbiú agus leis an Athrú Aeráide, ina leagtar béim ar a thábhachtaí atá gníomhaíochtaí aeráide il-leibhéil agus ilearnála agus comhar agus méadú ar mhaoiniú uirbeach don aeráid. San iarnóin chéanna, beidh seisiún iomlánach CnaR sa Bhruiséil ina óstach ar dhíospóireacht le comhaltaí thoscaireacht COP29 chun an staid mar atá a mheas roimh laethanta deiridh ríthábhachtacha na caibidlíochta.

Comhaltaí thoscaireacht CnaR ag COP29:

Vasco Alves Cordeiro (PT/PSE) – Uachtarán CnaR

Joško Klisovic (PSE/HR) – Uachtarán Thionól Cathrach Shágraib

Juan Manuel Moreno Bonilla (ES/PPE) – Uachtarán na hAndalúise

Vincent Chauvet (FR/Renew) – Méara Autun

Juraj Droba (SK/ECR) – Uachtarán réigiún Féinrialaitheach na Bratasláive

Niina Ratilainen (FI/Na Glasaigh) – Comhalta de Chomhairle Cathrach Turku

Andries Gryffroy (BE/EA) – Feisire de Pharlaimint Fhlóndras

Beidh Ard-Rúnaí CnaR, Petr Blížkovský, i dteannta na toscaireachta.

Glac turas amhairc lenárngailearaí grianghraf COP29! (ón 11 Samhain)

Faisnéis chúlra:

Tairseachgréasáin COP29

Toscaireacht CnaRchuig COP29 agus teachtaireachtaí polaitiúla

●Páipéar seasaimh LGMA do COP29

●Dea-chleachtais Choiste na Réigiún

● An Comhaontú Glas ar an Leibhéal Áitiúil

Teagmháil:                                                      

Lauri Ouvinen
Teil. +32 473536887
lauri.ouvinen@cor.europa.eu