Il-Programm Politiċi Eletti Żgħażagħ

​​​​​​​​​​​​​​​​​​​​​​​​​​Il-Programm Politiċi Eletti Żgħażagħ (Programm YEP) huwa network ta’ politiċi li m’għadhomx aktar minn 35 sena u li għandhom mandat fil-livell reġjonali jew lokali fl-UE u fil-pajjiżi kandidati għall-adeżjoni mal-UE. Iffinanzjat bis-sħiħ mill-Kumitat Ewropew tar-Reġjuni (KtR), il-Programm YEP jagħti lir-rappreżentanti eletti żgħażagħ l-opportunità li jsemmgħu leħinhom fil-livell tal-UE, jieħdu sehem fil-proċess tat-tfassil tal-politika tal-UE, jagħmlu użu minn taħriġ imfassal apposta u aktar!

yeps
© timothy.lawrence

F’din il-paġna

Dwarna

Il-Programm Politiċi Eletti Żgħażagħ (Programm YEP) tnieda mill-KtR fit-8 Summit Ewropew tar-Reġjuni u l-Bliet fl-2019 bħala mod kif ir-rappreżentanti żgħażagħ eletti lokalment u reġjonalment jesperjenzaw b’mod dirett l-UE. Il-programm kiber kemm fid-daqs kif ukoll fl-ambitu sa mill-bidu tiegħu. B’network ta’ kważi 1000 rappreżentant żagħżugħ mill-UE u l-viċinat tagħha, il-Programm YEP sar parti integrali mill-KtR. Għaldaqstant, il-politiċi eletti żgħażagħ jingħataw l-opportunità li jaħdmu id f’id mal-membri tal-KtR, jieħdu sehem f’taħriġ u jipparteċipaw fil-laqgħat u l-avvenimenti tal-KtR.

Kull sena titnieda sejħa għall-applikazzjonijiet għas-sħubija fil-Programm YEP. Jekk jogħġbok irreġistra biex tirċievi notifika meta tiftaħ is-sejħa għall-applikazzjonijiet li jmiss.

L-għanijiet tagħna

  • Nippromovu u niffaċilitaw l-iskambju tal-aħjar prattiki fost il-politiċi lokali u reġjonali;
  • Nipprovdu opportunitajiet ta’ networking mal-membri tal-KtR, mal-Gruppi Politiċi u ma’ pari;
  • Noffru għajnuna biex jinftiehmu u jinħatfu l-opportunitajiet offruti mill-UE għaż-żoni lokali u reġjonali;
  • Noffru opportunitajiet biex il-politiċi eletti żgħażagħ jitkellmu f’isem ir-reġjuni u l-muniċipalitajiet tal-UE fil-proċess leġiżlattiv Ewropew permezz ta’ konsultazzjonijiet mar-relaturi tal-KtR u dibattiti dwar politiki ta’ prijorità;
  • Nistiednu rappreżentanti żgħażagħ għas-sessjonijiet plenarji, għal-laqgħat tal-kummissjonijiet tematiċi tal-KtR (fi Brussell u lil hinn) u d-Djalogi Lokali dwar l-UE;
  • Nistiednu rappreżentanti żgħażagħ biex jipparteċipaw f’avvenimenti ewlenin tal-KtR bħall-Ġimgħa Ewropea tar-Reġjuni u l-Bliet, l-EuroPCom, is-Summits Ewropej tar-Reġjuni u l-Bliet;
  • Insaħħu s-sensibilizzazzjoni tar-rappreżentanti eletti żgħażagħ permezz ta’ appoġġ għall-komunikazzjoni u taħriġ imfassal apposta.

Multimedia

Podcasts

Dokumenti