Clár na bPolaiteoirí Tofa Óga

Is éard atá i gClár na bPolaiteoirí Tofa Óga (YEP) líonra polaiteoirí nach bhfuil níos sine ná 35 bliana d’aois agus a bhfuil sainordú acu ar an leibhéal réigiúnach nó áitiúil san Aontas agus i dtíortha is iarrthóirí ar aontachas leis an Aontas. Le maoiniú iomlán ó Choiste Eorpach na Réigiún (CnaR), tugann an Clár deis d’ionadaithe tofa óga a dtuairimí a chur chun tosaigh ar leibhéal an Aontais Eorpaigh, páirt a ghlacadh sa phróiseas ceaptha beartas, freastal ar sheisiúin oiliúna shaincheaptha agus a thuilleadh nach iad!

yeps
© timothy.lawrence

Ar an leathanach seo

Eolas fúinn

Sheol CnaR Clár na bPolaiteoirí Tofa Óga ag an 8ú Cruinniú Mullaigh Eorpach de chuid na Réigiún agus na gCathracha in 2019 chun léargas pearsanta ar an Aontas Eorpach a thabhairt d’ionadaithe óga a toghadh ar an leibhéal áitiúil agus ar an leibhéal réigiúnach. Tá méadú tagtha ar mhéid agus ar raon feidhme an Chláir ó bunaíodh é. Agus líonra de bheagnach 1 000 ionadaí óg ón Aontas Eorpach agus ó na tíortha comharsanacha páirteach i gClár na bPolaiteoirí Tofa Óga, is cuid lárnach de CnaR anois é. Dá réir sin, bíonn deis ag na Polaiteoirí Tofa Óga oibriú i ndlúthchomhar le comhaltaí an Choiste, páirt a ghlacadh i seisiúin oiliúna shaincheaptha agus a bheith páirteach in imeachtaí suaitheanta CnaR.

Seoltar glao ar iarratais chun páirt a ghlacadh sa Chlár gach bliain. Is gá clárú chun fógra a fháil nuair a osclófar an chéad ghlao ar iarratais eile.

Na cuspóirí atá againn

  • Tá Coiste na Réigiún tiomanta malartú dea-chleachtas i measc polaiteoirí áitiúla agus réigiúnacha a chur chun cinn agus a éascú.
  • Tá súil againn deiseanna líonraithe le comhaltaí de chuid an Choiste, le grúpaí polaitíochta agus le piaraí a chur ar fáil.
  • Táimid ag iarraidh soiléiriú a thabhairt do na ceantair áitiúla agus réigiúnacha ar na deiseanna a chuireann an tAontas Eorpach ar fáil agus conas iad a thapú.
  • Ba mhaith linn deiseanna a chur ar fáil dóibh labhairt ar son réigiúin agus bhardais an Aontais sa phróiseas reachtach trí chomhairliúcháin le rapóirtéirí CnaR agus díospóireachtaí maidir le beartais tosaíochta.
  • Ba mhór againn cuireadh a thabhairt d’ionadaithe óga chuig na seisiúin iomlánacha, chuig cruinnithe na gcoimisiún téamach de chuid CnaR (sa Bhruiséil agus níos faide i gcéin) agus chuig Idirphlé Áitiúil an Aontais.
  • Tá an Coiste ag iarraidh cuireadh a thabhairt d’ionadaithe óga páirt a ghlacadh in imeachtaí suaitheanta CnaR amhail Seachtain Eorpach na Réigiún agus na gCathracha, EuroPCom, Cruinnithe Mullaigh Eorpacha na Réigiún agus na gCathracha.
  • Ba mhaith linn tuilleadh feasachta a mhúscailt i measc na n-ionadaithe tofa óga trí thacaíocht a chur ar fáil dóibh i gcúrsaí cumarsáide agus trí sheisiúin oiliúna shaincheaptha.

Na hilmheáin

Podchraoladh

Doiciméid