Is díol sásaimh do Choiste Eorpach na Réigiún an togra le haghaidh Comhshocrú nua don Mheánmhuir

Tá Teachtaireacht glactha go hoifigiúil ag an gCoimisiún Eorpach ina moltar Comhshocrú nua don Mheánmhuir, rud a léiríonn céim stairiúil chun cinn maidir leis an gcaidreamh Eora-Mheánmhara a neartú. Is díol mór sásaimh do Choiste na Réigiún (CnaR) agus do ARLEM— an Comhthionól Réigiúnach agus Áitiúil Eora-Mheánmhara ina dtugtar le chéile ceannairí áitiúla ó thrí chósta na Meánmhara — an tiomantas athnuaite sin chun an comhar a dhoimhniú ar fud an réigiúin.

Is tosaíocht straitéiseach de chuid an Aontais Eorpaigh í an Mheánmhuir. Léiríonn an Comhshocrú, a bhfuil an Coimisinéir Dubravka Šuica i gceannas air, uaillmhian an Aontais spás síochána, rathúnais agus cobhsaíochta a chomhchruthú trí fhíor-chomhpháirtíocht.

Mar thionól polaitiúil a dhéanann ionadaíocht ar rialtais fhonáisiúnta ar fud an spáis Eora-Mheánmhara, tacaíonn ARLEM go láidir leis an iarracht nua sin. Leanfaidh CnaR agus ARLEM dá bplé leis an gCoimisiún Eorpach chun rannchuidiú le cur chun feidhme an Chomhshocraithe, lena n-áiritheofar go n-aithneofar agus go gcomhtháthófar go hiomlán breisluach na n-údarás áitiúil agus réigiúnach.

Laistigh de thrí seachtaine, glacfaidh ARLEM a thuarascáil shuaitheanta maidir leis na Peirspictíochtaí Críochacha don Chlár Oibre Straitéiseach Nua Eora-Mheánmhara ag an16ú seisiún iomlánach a bheidh aigein Palermo . Is toradh í an tuarascáil seo ar chomhrapóirtéireacht uathúil lena dtugtar le chéile dearcadh an Aontais agus dearcadh chomhpháirtí na Meánmhara agus léirítear inti torthaí comhairliúcháin leathain le páirtithe leasmhara, lena n-áirítear comhlachais na n-údarás áitiúil agus réigiúnach ó thíortha an Aontais agus ó thíortha nach Ballstáit den Aontas iad araon, chomh maith le staidéar.

Athdhearbhaíonn CnaR agus ARLEM go bhfuil siad tiomanta a áirithiú go gcloisfear guthanna áitiúla agus go múnlóidh réaltachtaí críochacha todhchaí an chomhair Eora-Mheánmhara. Ní hamháin gur creat beartais é an Comhshocrú don Mheánmhuir — is glao chun gnímh é chun go n-oibreoidh gach leibhéal rialachais le chéile i dtreo todhchaí chomhroinnte.

Tuilleadh eolais:

• Tuarascáil ARLEM maidir le Peirspictíochtaí Críochacha don Chlár Oibre Straitéiseach Nua Eora-Mheánmhara, atá le glacadh ag an 16ú seisiún iomlánach de ARLEM agus le foilsiú anseo: Suíomh gréasáin/Tuarascálacha ARLEM
• Staidéar ARLEM ar naDúshláin agus na Deiseanna do nahúdaráis áitiúla agus réigiúnacha maidir le Tacú leis an gComhar agusleis an mBileog Eora-Mheánmhara