Na réigiúin agus na cathracha ag teacht le chéile chun athbhreithniú a dhéanamh ar an soláthar poiblí

Thionóil Líonra na Mol Réigiúnach (RegHub) imeacht sa Bhruiséil an 7 Feabhra chun comhairliúchán CnaR atá ar na bacáin maidir leis an meastóireacht ar Threoracha 2014 maidir le Soláthar Poiblí a sheoladh agus chun ullmhú do sheoladh na chéad chéime eile den líonra.
Ar maidin, ghlac na Moil páirt i seisiún idirghníomhach inar breathnaíodh siar ar a dtaithí mar bhaill den líonra, agus ina dhiaidh sin rinneadh plé réamhbhreathnaitheach ar thodhchaí RegHub agus ar na dúshláin a bhaineann leis an gclár oibre maidir le Rialáil Níos Fearr i sainordú nua an Aontais.
San iarnóin, rinneadh cur i láthair ar chomhairliúchán CnaR maidir leis an meastóireacht ar na Treoracha maidir le Soláthar Poiblí agus ar staid na himeartha maidir le meastóireacht an Choimisiúin Eorpaigh. Tugadh Sara Matthieu, FPE (BE/Na Glasaigh), Anne Karjalainen, comhalta CnaR (FI/PSE), Valentina Schaumburger, an Coimisiún Eorpach, Helga Berger, Cúirt Iniúchóirí na hEorpa, agus Tanja Struve, Comhairle Bhardais agus Réigiúin na hEorpa le chéile i ndíospóireacht phainéil chun mionanailís a dhéanamh ar a bhfuil ag teastáil chun athbhreithniú rathúil a dhéanamh ar na Treoracha.  Chríochnaigh
an t-imeacht le seisiún faisnéise maidir le RegHub agus seoladh na chéad chéime eile atá le teacht. Tá glao ar iarratais beartaithe do bhaill nua in Aibreán/Bealtaine 2025.
Tá CnaR agus RegHub buíoch as seisiún na maidine agus as an lón a d’óstáil an Dr. Mark Speich, Státrúnaí Gnóthaí Cónaidhme, Eorpacha agus Idirnáisiúnta agus Meán Stáit na Réine Thuaidh-Viostfáile, in Oifig Ionadaíochta an Aontais Eorpaigh sa Réin Thuaidh-Viostfáile.