Il-mexxejja reġjonali u l-Viċi President Eżekuttiv Fitto jimpenjaw ruħhom li jsawru Politika ta’ Koeżjoni mġedda bbażata fuq il-post biex jiġu miġġielda l-inugwaljanzi territorjali

Matul dibattitu plenarju mal-Viċi President Eżekuttiv tal-Kummissjoni Ewropea (EVP) għall-koeżjoni u r-riformi,il-mexxejja reġjonali u lokali ta’ Raffaele Fittoopponew kwalunkwe tentattiv biex tiġi ċċentralizzata l-Politika ta’ Koeżjoni futura u appellaw għal baġit tal-UE għal wara l-2027 li jippermetti lit-territorji jiġġieldu l-inugwaljanzi u jindirizzaw emerġenzi ġodda.

Fil-plenarja inawgurali tal-mandat il-ġdid ta’ ħames snin, il-membri tal-Kumitat Ewropew tar-Reġjuni (KtR) ingħaqdu mal-Viċi President Eżekuttiv Raffaele Fitto biex jiskambjaw dwar kif il-Politika ta’ Koeżjoni tista’ ssir aktar effiċjenti, filwaqt li tinżamm il-promozzjonital-konverġenza ekonomika u jitnaqqsu d-disparitajiet soċjali u territorjali. 

Appell kontra kwalunkwe ċentralizzazzjoni tal-fondi reġjonali tal-UE

Ir-rappreżentanti lokali u reġjonali wissew kontra kwalunkwe tentazzjoni li jitfasslu u jiġu ġestiti fondi ta’ koeżjoni futuri tal-UE b’approċċ ċentralizzat u territorjalment għami. Dan ikun ineffettiv fit-tnaqqis tad-disparitajiet territorjali u jonqos milli jipprovdi investiment fit-tul f’kull reġjun. Kien hemm riskju għoli li approċċ bħal dan iwassal għall-allokazzjoni tal-fondi fuq bażi politika aktar milli fuq ħtiġijiet reġjonali. Kif enfasizzat mill-Kummissjoni Ewropea f’komunikazzjonippubblikata reċentement dwar it-triq lejn il-baġit fit-tul li jmiss, “politika msaħħa ta’ koeżjoni u tkabbir bir-reġjuni fiċ-ċentru tagħha għandha titfassal u tiġi implimentata fi sħubija mal-awtoritajiet nazzjonali, reġjonali u lokali.”

Il-Viċi President Eżekuttiv Fitto stieden lill-mexxejja reġjonali u lokali biex jintensifikaw il-ħidma komuni għar-riforma tal-Politika ta’ Koeżjoni u assigurahom li jinsistu fuq il-prinċipji ewlenin tal-Politika ta’ Koeżjoni: sħubija, ġestjoni kondiviża, governanza f’diversi livelli u approċċ ibbażat fuq il-post.

Il-Viċi President Eżekuttiv tal-Kummissjoni u l-mexxejja lokali ddiskutew ukoll il-prijoritajiet għar-rieżami ta’ nofs it-terminu li jmiss tal-programmi tal-Politika ta’ Koeżjoni 2021-27. Il-membri tal-KtR enfasizzaw li t-tranżizzjonijiet ekoloġiċi reġjonali għandhom jiġu appoġġjati minn strateġiji industrijali u tal-enerġija bbażati fuq il-post, biex jissaħħu r-reżiljenza u l-kompetittività tal-UE kollha kemm hi, kif ukoll l-awtonomija strateġika tagħha. 

Kwotazzjonijiet

Kata Tüttő,li għadha kif ġiet eletta President tal-KtR u Kunsilliera tal-Belt ta’ Budapest: “Il-Politikata’ Koeżjoni mhijiex biss l-aħjar antidotu għall-frammentazzjoni tat-territorji u s-soċjetajiet tagħna, iżda wkoll il-garanzija li l-politiki tal-UE jagħmlu differenza fil-ħajja tan-nies fil-bliet u r-reġjuni. Il-Politika ta’ Koeżjoni hija l-aktar għodda ta’stabbilizzazzjoni b’saħħitha tal-Ewropa — ekonomikament, soċjalment u territorjalment — u għandha tkompli titfassal fi sħubija mal-awtoritajiet lokali u reġjonali. Jekk tkun ċentralizzata żżejjed jew ikkontrollata żżejjed, tfalli fl-iskop tagħha li tgħinna ninnavigaw it-trasformazzjonijiet globali. Il-Politika ta’ Koeżjoni trid tkun flessibbli, deċentralizzata u innovattiva.”

Raffaele Fitto, il-Viċi President Eżekuttiv tal-Kummissjoni Ewropea għall-Koeżjoni u r-Riformi: “Iż-żminijiet qed jinbidlu, u l-Politika ta’ Koeżjoni trid tinbidel magħhom. Ir-realtajiet differenti jeħtieġu approċċi differenti u nistgħu nirnexxu biss bl-involviment dirett tar-reġjuni. Jeħtieġ ukoll li ntejbu l-prestazzjoni tal-politika b’governanza aktar b’saħħitha, implimentazzjoni aċċellerata u żieda fil-bini tal-kapaċità. L-awtoritajiet lokali u reġjonali jeħtieġ li jkollhom vuċi fit-tfassil, il-ġestjoni u l-implimentazzjoni tagħha. Għandna opportunità tad-deheb, fir-rieżami ta’ nofs it-terminu li jmiss tal-programmi attwali. Din hija l-opportunità tagħna mhux biss biex naċċelleraw l-implimentazzjoni, iżda wkoll biex nallinjaw aħjar mal-prijoritajiet tal-UE. L-Ewropa se timxi ’l quddiem b’koeżjoni b’saħħitha.”

Il-kuntest

• Filmat u ritratti mid-dibattitu.
• Fit-12 ta’ Diċembru 2024, fl-ewwel dehriet pubbliċi tiegħu wara d-dħul tiegħu fil-kariga, il-Viċi President Eżekuttiv Fitto attenda l-laqgħa konġunta annwali bejn il-Kummissjoni għall-Politika ta’ Koeżjoni Territorjali u l-Baġittal-UE (COTER)tal-KtRu l-Kumitat għall-Iżvilupp Reġjonali (REGI) tal-Parlament Ewropew. Stqarrija għall-istampa.
• Matul is-sessjoni plenarja tal-20-21 ta’ Novembru, il-Kumitat Ewropew tar-Reġjuni adotta pakkett ta’ Opinjonijiet li jiddefinixxu l-elementi kostitwenti tal-Politika ta’ Koeżjoni wara l-2027. Stqarrija għall-istampa.
• Il-Politika ta’ Koeżjoni b’valur ta’ kważi EUR 370 miljun ta’ fondi tal-UE fil-perjodu ta’ programmazzjoni attwali 2021-2027, jew terz tal-baġitfit-tul tal-UE.

Kuntatti

Matteo Miglietta
Tel. +32 470895382
Matteo.Miglietta@cor.europa.eu