Coiste na Réigiún agus comhpháirtí Ghrúpa BEI ar mhaithe le tuilleadh comhtháthaithe san Eoraip

Tá tithíocht agus bonneagar sóisialta i measc na dtosaíochtaí infheistíochta

Le linn díospóireacht iomlánach de Choiste na Réigiún le hUachtarán Ghrúpa an Bhainc Eorpaigh Infheistíochta (BEI), Nadia Calviño, rinne an dá institiúid athnuachan ar a gcomhsprioc cóineasú agus fás eacnamaíoch a chur chun cinn ar fud réigiúin an Aontais, i gceantair uirbeacha agus thuaithe araon, le hiarracht ar leith chun tacú le tithíocht inacmhainne agus le bonneagar sóisialta. 

Is príomhchuspóirí den obair choiteann a rinne Coiste Eorpach na Réigiún (CnaR) agus Grúpa BEI le blianta beaga anuas iad rochtain na réigiún agus na gcathracha ar chistiú a fheabhsú agus cáilíocht na n-infheistíochtaí áitiúla a ardú, a bhuí freisin le comhphlean gníomhaíochta a ndearnadh athnuachan air i mí Feabhra seo caite.

Ba dhíol sásaimh do na ceannairíáitiúla agus réigiúnacha tiomantas treisithe GhrúpaBEI cabhrú le cathracha agus réigiúin a n-aistriú glas agus cóir a bhaint amach, agus a n-iarrachtaí chun an t-iomaíochas a mhéadú. Ag an am céanna, tháinig oideachas, saoráidí cúraim sláinte agus tithíocht chun cinn mar phríomhthosaíochtaí infheistíochta do Bhanc an Aontais Eorpaigh agus do bhardais araon.

Beidh antithíocht ábhartha go háirithe i sainordú nua an Aontais tar éis d’Uachtarán an Choimisiúin Eorpaigh, Ursula von der Leyen, plean tithíochta inacmhainne Eorpach a fhógairt. Tá CnaR agus BEI réidh chun dlús a chur leis an gcomhar ina leith sin. 

Seomar a labhairVasco Alves Cordeiro,UachtaránChoiste na Réigiún: ‘Lecomhaontú athnuaite a síníodh i mí Feabhra seo caite, neartaigh Coiste Eorpach na Réigiún agus an Banc Eorpach Infheistíochta a gcomhar ar mhaithe le pobail áitiúla na hEorpa. Mar gheall ar an iliomad dúshlán atá roimh an Aontas, amhail an t-aistriú glas agus an t-aistriú digiteach, agus infheistíocht sa bhonneagar sóisialta, tá gá le comhpháirtíocht níos láidre agus le dlúth-rannpháirtíocht na réigiún agus na gcathracha. Go háirithe, ciallaíonn an aird athnuaite ar thithíocht ar an leibhéal Eorpach gur dócha go mbeidh an obair chomhpháirteach idir Coiste na Réigiún agus BEI níos tábhachtaí fós sna blianta amach romhainn.’

Anuraidh, chuaigh beagnach leath de mhaoiniú Ghrúpa BEI – €36 bhilliún – san Aontas chuig réigiúin bheagfhorbartha agus trasdula.

“Tá Grúpa BEI tiomanta do thacaíocht a thabhairt do thionscadail lena gcuirtear feabhas ar shaol daoine i ngach réigiún agus i gcathracha ar fud an Aontais, ó Vaileite go Ríge, lena n-áirithítear nach bhfágfar aon duine ar lár,” a dúirt an tUachtarán Nadia Calviño. “Teastaíonn muinín ó shaoránaigh na hEorpa gur féidir leo rochtain a fháil ar chomhdheiseanna cibé áit a bhfuil cónaí orthu, a n-oibríonn siad nó a ndéanann siad staidéar. Is tosaíocht straitéiseach de chuid Ghrúpa BEI don tréimhse 2024-2027 é rannchuidiú le beartas comhtháthaithe nua-aimseartha in éineacht lenár gcomhpháirtithe áitiúla agus réigiúnacha.’

Óráid iomlán ón Uachtarán Calviño.