Rwol
Il-Kumitat Konsultattiv Konġunt (JCC) jimmonitorja l-iżviluppi fl-Ukrajna b’attenzjoni partikolari għall-integrazzjoni Ewropea tal-pajjiż, ir-riforma tad-deċentralizzazzjoni, it-tisħiħ tal-kapaċitajiet għall-awtoritajiet lokali u reġjonali, l-issodisfar tal-kundizzjonijiet għas-sħubija futura fl-UE u l-allinjament mal-acquis tal-UE. Il-JCC jista’ wkoll jippromovi skambji mal-awtoritajiet lokali u reġjonali Ukreni fl-isforz tagħhom biex jindirizzaw il-konsegwenzi tal-invażjoni Russa, kif ukoll biex iwettqu azzjonijiet favur l-irkupru u r-riforma.
Kompożizzjoni
Is-Sinjura Antje Grotheer (DE/PSE, President tal-Parlament tal-Land ta’ Bremen) hija l-kopresident tal-Kumitat Konsultattiv Konġunt min-naħa tal-UE, u s-Sinjura Tetiana Yehorova-Lutsenko (Kap tal-Kunsill Reġjonali ta’ Kharkivli) hija l-kopresident min-naħa tal-Ukrajna. Il-JCC huwa magħmul minn 14-il membru tal-KtR u 14-il rappreżentant lokali u reġjonali Ukreni, li jistgħu jiġu sostitwiti minn 14-il membru/sostitut ieħor. Lista tal-membri tal-Kumitat Konsultattiv Konġunt KtR-Ukrajna.
Laqgħat
Il-JCC jiltaqa’ darbtejn fis-sena, darba minnhom fil-qafas tal-Jiem it-Tkabbir organizzati mill-KtR fi Brussell.