Tá Eoraip níos dlúithe, níos láidre, níos comhtháite agus níos uaillmhianaí á hiarraidh ag na réigiúin agus na cathracha

An tUachtarán Cordeiro: “Ní féidir le ceannairí an Aontais a iarraidh go leanúnach go mbeadh an Eoraip níos gaire do na saoránaigh má leanann siad de bheith ag tarraingt uirthi ón mbarr. Ní mór dúinn tosú inár bpobail áitiúla agus inár réigiúin.”

Cé go bhfuil timthriall polaitiúil nua ag tosú don Aontas Eorpach, thug Uachtarán Choiste Eorpach na Réigiún, Vasco Alves Cordeiro, a aitheasc bliantúil ar Staid na Réigiún agus na gCathracha san Aontas Eorpach.

An7 Deireadh Fómhair chuir an tUachtaránVasco Alves Cordeiroan ceathrú heagránde Thuarascáil Bhliantúil an Aontais Eorpaigh maidir le Staid na Réigiún agus na gCathracha, tuarascáil a d’fhoilsigh CoisteEorpach na Réigiún (CnaR), i láthair ceannairí Eorpacha, náisiúnta agus réigiúnacha, cinnteoirí agus páirtithe leasmhara ag 22ú Seachtain Eorpach na Réigiún agus na gCathracha.  

Seo mar a labhair an tUachtarán Cordeiro: “Agus timthriall polaitiúil nua ag tosú san Aontas Eorpach, ba mhaith liom a leathnú chuig Parlaimint na hEorpa, an Coimisiún Eorpach agus ceannaireacht athnuaite na Comhairle Eorpaí ullmhacht agus toilteanas Choiste Eorpach na Réigiún, na gcathracha agus na réigiún ar fud na hEorpa comhoibriú le chéile, cabhrú, dul i gcomhar le chéile chun go mbeidh an tAontas Eorpach ag siúl ar chonair na haontachta, na héagsúlachta agus na dlúthpháirtíochta. Óir is le staid ár bpobal réigiúnach agus áitiúil a chuirfear tús le staid ár nAontais.” 

Maidir leis an méid a thit amach le déanaí sa díospóireacht faoin gcéad bhuiséad fadtéarmach eile de chuid an Aontais, dúirt an tUachtarán Cordeiro: “Inniu, is é ár dteachtaireacht shoiléir ghlórach é freisin, diúltú aonchiallach do smaoineamh a bhí ann le déanaí go mbeadh clár aonair amháin ar an leibhéal náisiúnta sa chreat airgeadais ilbhliantúil nua, rud a chuirfeadh deireadh – dá mb’fhíor dó – le rannpháirtíocht na réigiún agus na gcathracha. As seo amach, iarraim ar réigiúin agus ar chathracha na hEorpa ardú agus seasamh i gcoinne togra a thugann le tuiscint – más fíor – go n-eisiafar sinn, go bhfágfar ar leataobh sinn, go seachnófaí sinn. Agus ná déanaimis dearmad go mbaineann sé sin níos mó ná leis na réigiúin agus na cathracha, leis an Eoraip is mian linn a bheith againn amach anseo.”

Seo a leanas cuid de bhuaicphointíThuarascáil Bhliantúil an AontaisEorpaigh maidir le Staid na Réigiún agus na gCathracha: 

• Bíonnréigiúin agus cathracha thíos leis an ngéarchéim aeráide gach lá, le teas foircneach, tuilte, triomaigh agus tinte. Meastar go mbeidh 120.000 bás a bhaineann le teas ann gach bliain faoi 2050. Iarrann na réigiúin agus na cathracha go ndéanfaí suas le €200 billiún in aghaidh na bliana a infheistiú san oiriúnú don athrú aeráide, agus aghaidh á tabhairt ar leochaileachtaí sóisialta agus críochacha.
• Tá tionchair chríochacha neamhshiméadracha ag an aistriú glas agus ag an aistriú digiteach agus ní mór aghaidh a thabhairt orthu le réitigh áitbhunaithe. Tá sé léirithe ag an mBeartas Comhtháthaithe go bhfuil sé d’acmhainn aige feabhas a chur ar an gcáilíocht saoil. Tá na réigiúin agus na cathracha ag iarraidh go mbeadh Beartas Comhtháthaithe níos láidre agus athnuaite ann do na réigiúin uile.
• Ar gach €10 a chaitear ar bheartais chomhshaoil, caitear €8 go háitiúil. Tá tacaíocht airgeadais spriocdhírithe á hiarraidh ag na réigiúin agus na cathracha chun an Comhaontú Glas don Eoraip a chur chun feidhme.
• Tá tionchar éagsúil ag claochlú tionsclaíoch na hEorpa ar réigiúin éagsúla. Teastaíonn margadh aonair feidhmiúil ó iomaíochas an Aontais agus braitheann sé ar Bheartas Comhtháthaithe láidir. Tá na réigiúin agus na cathracha ag iarraidh go mbeadh straitéis thionsclaíoch nua ann a bheadh saincheaptha do réaltachtaí críochacha.
• Tá 100 milliún duine i mbaol bochtaineachta agus eisiaimh shóisialta. Ní mór do 47 % d’Eorpaigh óga (18-34) cónaí i dtithe a dtuismitheoirí. Is iad na húdaráis áitiúla agus réigiúnacha atá freagrach as 50 % den chaiteachas ar bhonneagar, tithíocht, sláinte, oideachas agus seirbhísí sóisialta. Tá seirbhísí poiblí d’ardchaighdeán á n-iarraidh ag na réigiúin agus na cathracha.
• Cloch mhíle stairiúil don Aontas is ea an spreagadh athnuaite don mhéadú, arna spreagadh ag ionradh na Rúise ar an Úcráin. Iarrann na réigiúin agus na cathracha go mbeadh rannpháirtíocht fhóinteach i bpróiseas an mhéadaithe.
• Is sna réigiúin agus sna cathracha a dhéantar níos mó ná leath na n-infheistíochtaí poiblí. Le claochlú ár sochaithe, tá gá le hinfheistíochtaí ollmhóra. Tá buiséad uaillmhianach áitbhunaithe de chuid an Aontais á iarraidh ag na réigiúin agus na cathracha, buiséad a thacóidh le hinfheistíochtaí áitiúla agus a mbeidh Beartas Comhtháthaithe láidir ina chroílár.
• Tá méadú suntasach tagtha ar mhuinín na saoránach as údaráis réigiúnacha agus áitiúla le 10 mbliana anuas; bhain sé an pointe is airde amach in 2024, ag 60 %, an pointe is airde i measc gach leibhéal rialtais. Iarrann na réigiúin agus na cathracha go mbeadh ról níos láidre ag Coiste Eorpach na Réigiún.

Lean díospóireacht maidir leis na dúshláin a bheidh ann amach anseo chun an Eoraip a choinneáil comhtháite agus í á méadú chuig tíortha is iarrthóirí óráid an Uachtaráin Cordeiro. Labhair an Coimisinéir um Chomhtháthú agus um Athchóiriú, Elisa Ferreira, Leas-Uachtarán Pharlaimint na hEorpa, Younous Omarjee, Leas-Mhéara Tirana Jonida Halili agus Méara bhardas Orzhytsia na hÚcráine, Olena Sydorenko, le linn na díospóireachta. Rinne Uachtarán Pharlaimint na hEorpa, Roberta Metsola, agus Méara Kyiv Vitali Klitschko idirghabháil trí theachtaireachtaí físeáin. 

Tuilleadh eolais

• Tuarascáil Bhliantúil an Aontais Eorpaigh ar leathanach gréasáin Staid na Réigiún agusna gCathracha, ar a bhfuil óráid iomlán an Uachtaráin Vasco Alves Cordeiro (téacs agus físeán), an tuarascáil iomlán agus bileoga eolais, eagráin roimhe seo.
• Pictiúir d’óráid agus de sheisiún oscailte Sheachtain Eorpach na Réigiún agus na gCathracha 2024.