Seoladh clár do cheannairí bardasacha agus d’oifigigh bhardasacha na hÚcráine

An 7 Márta sheol Coiste Eorpach na Réigiún agus an Úcráin — an Clár um Chumhachtú Áitiúil, Cuntasacht agus Forbairt (U-LEAD with Europe) clár chun oiliúint a chur ar fáil do cheannairí áitiúla agus réigiúnacha agus do státseirbhísigh na hÚcráine maidir le tionscadail a bhaineann leis anatógáil a bhainistiú. Spreagfaidh an clár comhpháirtíochtaí idir cathracha agus bailte a chruthú freisin.

Nuair a seoladh an Clár Oiliúna agus Intéirneachta um Thacaíocht do Bhardais na hÚcráine agus don Chomhar Idir-Mheánmhuirí (TIPS4UA), síníodh comhaontú comhpháirtíochta sa Bhruiséil, shínigh Ard-Rúnaí Choiste Eorpach na Réigiún (CnaR), Petr Blížkovský, agus Bastian Veigel, stiúrthóir cláir GIZ atá freagrach as U-LEAD, agus Angeliki Mavridou, ceannaire foirne U-LEAD.

Is é Coiste Eorpach na Réigiún tionól an Aontais Eorpaigh d’údaráis áitiúla agus réigiúnacha agus feidhmíonn sé freisin mar rúnaíocht do Chomhghuaillíocht Eorpach na Réigiún agus na gCathracha ar mhaithe le hAtógáil na hÚcráine, a spreagann údaráis fhonáisiúnta go láidir chun comhpháirtíochtaí a bhunú. Is tionscnamh de chuid Team Europe é U-LEAD i gcomhpháirtíocht le rialtas na hÚcráine, leis an Aontas Eorpach, leis an nGearmáin, leis an Danmhairg, leis an bhFrainc, leis an bPolainn agus leis an tSlóivéin. Is é U-LEAD, atá ag tacú le hathchóiriú díláraithe na hÚcráine ó 2016 i leith, a bheidh freagrach as an gclár a chur chun feidhme ó lá go lá.

Is ó Shaoráid an Aontais don Úcráin a thiocfaidhcuid den mhaoiniú. Cuirfidh na bardais óstacha acmhainní ar fáil freisin.

D’fhógair Vasco Alves Cordeiro, a bhí ina Uachtarán ar CnaR ag an am, an tionscnamh TIPS4UA ina óráid maidir le staid na réigiún agus na gcathracha san Aontas i mí Dheireadh Fómhair 2024.

Chomh maith le próiseas an téarnaimh agus na hatógála san Úcráin a éascú, tá sé i gceist leis an gclár TIPS4UA taithí agus eolas a thabhairt do cheannairí bardasacha agus d’oifigigh bhardasacha a chuideoidh leis an Úcráin agus í ar a bealach chuig ballraíocht san Aontas, chomh maith le comhpháirtíochtaí trasteorann a chothú idir bardais na hÚcráine agus an Aontais.

Meastar go nglacfaidh fiche bardas ar fud 14 Bhallstát de chuid an Aontais — agus naonúr acu cleamhnaithe go díreach le comhaltaí nó comhaltaí malartacha CnaR — agus 44 bhall foirne ó bhardais de chuid na hÚcráine páirt imhí, ag tosú i mí Aibreáin.

Cuirfear an clár chun feidhme ansin i dtrí chéim:

· Oiliúint san Úcráin: Cuirfear oiliúint chuimsitheach ar rannpháirtithe faoi thopaicí amhail ullmhú tionscadail agus bainistiú timthrialla tionscadail.

· Scáthfhoghlaim san AE: Cuirfear méaraí nó leasmhéaraí, mar aon le saineolaithe riaracháin, i mbardais óstacha laistigh den Aontas le haghaidh deiseanna praiticiúla foghlama agus malartaithe.

· Comhphobal cleachtais: Leanfar den fhoghlaim idir piaraí trí phobal cleachtais, rud a chothóidh comhoibriú leanúnach agus comhroinnt eolais.

Tá CnaR ag tacú le bardais agus réigiúin na hÚcráine athchóirithe díláraithe a dhéanamh ó bhí 2015 ann. Tá róil CnaR i gComhghuaillíocht Eorpach na gCathracha agus na Réigiún ar mhaithe le hAtógáil na hÚcráine — mar chomhbhunaitheoir agus mar rúnaíocht na Comhghuaillíochta — agus i gclár TIPS4UA mar chuid de phacáiste tacaíochta 10 bpointe na hinstitiúide don Úcráin agus tá siad ag teacht lena tiomantas tacú le hiarrachtaí téarnaimh, atógála agus nuachóirithe na hÚcráine agus lena tairiscint ar bhallraíocht san Aontas.

Sleachta athfhriotail:

· Aleksandra Dulkiewicz (PL/PPE), méara Gdańsk agus cathaoirleach Mheitheal CnaR um an Úcráin: ‘Mar Choiste Eorpach na Réigiún, táimid ag tacú go gníomhach cheana féin le hoifigigh rialtais áitiúil agus státseirbhísigh na hÚcráine sa phróiseas atógála inniu. Is féidir leis an taithí agus an t-eolas atá againn maidir le cathracha cairdiúla agus seirbhísí uirbeacha maithe a chruthú a bheith an-chabhrach chun comharsanachtaí agus spásanna uirbeacha nua a dhearadh. Tar éis an tsaoil, táimid ag tús chonair aontachais na hÚcráine leis an Aontas Eorpach, rud a éilíonn tacaíocht ónár gcomhghleacaithe freisin, díreach mar a tacaíodh linn ag tús chonair na Polainne chuig an gComhphobal.”

· Bastian Veigel, stiúrthóir chlár GIZ le haghaidh U-LEAD: “Cuirfidh clár TIPS4UA le hinbhuanaitheacht na gcomhpháirtíochtaí bardasacha atá ann cheana, agus tá súil againn go gcuideoidh sé le comhpháirtíochtaí nua teacht i láthair freisin. Rannchuideoidh an clár le téarnamh, le hatógáil agus le nuachóiriú bhardais na hÚcráine trí chumas rialtais áitiúla na hÚcráine a fhorbairt chun tionscadail a ullmhú agus a chur chun feidhme, ar tionscadail iad a bheidh bunaithe ar an taithí agus ar an gcomhar lena gcomhpháirtithe bardasacha san Aontas.’

Cúlra:

· Suíomh Gréasáin: CoisteEorpach na Réigiún agus a chuid oibre leis an Úcráin

· Suíomh Gréasáin: ComhghuaillíochtEorpach na Réigiún agus na gCathracha ar mhaithe le hAtógáil na hÚcráine

· Suíomh Gréasáin: An Úcráin — An Clár um Chumhachtú Áitiúil, Cuntasacht agus Forbairt (U-LEAD with Europe)