Ní éireoidh le Comhaontú Tionsclaíoch Glan ón mbarr anuas: tá gníomhaithe réigiúnacha agus áitiúla ríthábhachtach chun an dícharbónú a thabhairt chun réitigh leis an iomaíochas tionsclaíoch

Cé gur cosúil go bhfuil roinnt rialtas náisiúnta réidh chun tacú le spriocanna dícharbónaithe, tá dlús á chur ag na húdaráis áitiúla agus réigiúnacha lena gcuid oibre chun an t-aistriú glas agus an t-aistriú digiteach a bhaint amach ar an láthair, agus an earnáil phríobháideach agus phoiblí á slógadh acu chun iad a dhéanamh inbhuanaithe ó thaobh na sochaí agus an gheilleagair de. Sa dá thuairim maidir leis an gComhaontú maidir le Tionsclaíocht Ghlan agus an tIdirphlé maidir leis an Aistriú Glan a glacadh le linn an tseisiúin iomlánaigh an 2 Iúil, leag Coiste Eorpach na Réigiún (CnaR) béim ar an ngá atá le beartas tionsclaíoch comhleanúnach de chuid an Aontais a bheadh i gcomhréir le spriocanna aeráide agus a threiseodh neamhspleáchas eacnamaíoch agus straitéiseach na hEorpa ag an am céanna. 

Ba dhíol sásaimh do na ceannairí áitiúla agus réigiúnacha an Comhaontú maidir le Tionsclaíocht Ghlan mar straitéis fáis thráthúil a rabhthas ag súil léi le fada chun tionscal an Aontais a dhícharbónú agus a iomaíochas domhanda a threisiú. Sa tuairim, leag siad béim ar an ról ríthábhachtach atá ag na húdaráis áitiúla agus réigiúnacha mar ardáin nuálaíochta, mar éascaitheoirí tionscadail agus mar thógálaithe éiceachórais thionsclaíoch, agus leag siad béim ar an ngá atá le féinrialachas réigiúnach láidir, neamhspleáchas fioscach agus cuir chuige áitbhunaithe chun an t-aistriú tionsclaíoch a chur in oiriúint do láidreachtaí agus dúshláin áitiúla. 

Leag comhaltaí CnaR béim ar a thábhachtaí atá sé uirlisí cistiúcháin an Aontais a ailíniú, an rialachas il-leibhéil a fheabhsú, agus a áirithiú go mbeidh na húdaráis áitiúla agus réigiúnacha rannpháirteach go hiomlán i ndearadh agus i gcur chun feidhme straitéisí tionsclaíocha. Leagtar béim iontu freisin ar an ngá atá le sonraí níos fearr, uirlisí faireacháin, agus comhar chun ceapadh beartas fianaisebhunaithe a chumasú. Leag siad béim ar roinnt uirlisí criticiúla chun tacú le tionscail san aistriú glan, lena n-áirítear bearta an Aontais maidir le simpliú agus soláthar poiblí a chur chun feidhme go hiomlán, acmhainní poiblí agus príobháideacha araon a shlógadh, creataí spriocdhírithe infheistíochta agus státchabhrach, straitéisí nuálacha agus cliste speisialtóireachta, agus comhpháirtíochtaí níos láidre idir gníomhaithe poiblí, fiontair, an saol acadúil agus soláthraithe scileanna. Leag na ceannairí áitiúla béim freisin ar an ngá atá le costais fuinnimh a laghdú trí tháirgeadh fuinnimh ghlain a mhéadú.

Ag tógáil ar an iarraidh uaidh go mbeadh ailíniú níos fearr ann maidir le cistiú, ghlac CnaR tuairim freisin inar cuireadh i bhfios go láidir nach mór do na húdaráis áitiúla agus réigiúnacha dul níos faide ná maoiniú an Aontais trí acmhainní poiblí agus príobháideacha araon a shlógadh chun a áirithiú go ndéanfar obair leantach éifeachtach ar an Idirphlé maidir leis an Aistriú Glan ar an leibhéal áitiúil.  

Iarrtar sa tuairim ar an gCoimisiún Eorpach na húdaráis áitiúla agus réigiúnacha a chur san áireamh go rialta san idirphlé maidir leis an aistriú, ós rud é go bhfuil ról lárnach ag na cathracha agus na réigiúin mar bhraislí le haghaidh táirgeadh fuinnimh in-athnuaite, an gheilleagair chiorclaigh agus an dícharbónaithe. Tá a gcomhoibriú le gnólachtaí, ollscoileanna, scoileanna agus gairmscoileanna ríthábhachtach chun éiceachórais forbartha scileanna, nuálaíochta agus gnólachtaí a chruthú i dteicneolaíocht ghlan chiorclach agus i gcórais fuinnimh.  

Leag na réigiúin agus na cathracha béim ar an ngá atá le leas níos mó a bhaint as infheistíochtaí príobháideacha i dtionscadail ghlasa trí shásraí margadhbhunaithe a ghiaráil agus trí rialacháin chobhsaí tharraingteacha atá fabhrach don infheistíocht a chur ar fáil. Leag siad béim freisin ar a thábhachtaí atá comhpháirtíochtaí poiblí-príobháideacha chun borradh a chur faoin taighde, faoin bhforbairt theicneolaíoch agus faoin nuálaíocht.  

Sleachta  

William Elofsson (SE/PPE), Dara Leas-Mhéara Gävle agus rapóirtéir ar an tuairim maidir leis an gComhaontú maidir le Tionsclaíocht Ghlan: ‘Léiríodh an méid seo a leanas go soiléir i seisiún iomlánach an lae inniu: Ní éireoidh le haistrithe glasa agus tionsclaíocha na hEorpa ach amháin má chuirimid le láidreachtaí áitiúla agus má ghlacaimid leis an éagsúlacht réigiúnach atá i gcroílár chinnteoireacht an Aontais. Ní mór do na húdaráis áitiúla agus réigiúnacha a bheith i gcroílár chlaochlú tionsclaíoch na hEorpa, leis na huirlisí cearta chun nuáil, dícharbónú agus seachadadh a dhéanamh. Ó cheadú níos cliste go córais fuinnimh níos cothroime agus forbairt scileanna níos láidre, leagtar amach sa tuairim seo conas is féidir linn Eoraip iomaíoch, athléimneach agus aeráidneodrach a thógáil – le chéile.’ 

Åsa Ågren Wikström (SE/PPE), Comhairleoir Réigiúnach Västerbotten agus rapóirtéir ar an tuairim More than funding: údaráis áitiúla agus réigiúnacha a shlógann acmhainní poiblí agus príobháideacha chun obair leantach éifeachtach a dhéanamh ar an Idirphlé maidir leis an Aistriú Glan ar an láthair: “Marúdaráis áitiúla agus réigiúnacha, ní hamháin go bhfuil beartais á gcur chun feidhme againn. Táimid ar thús cadhnaíochta– tá Eoraipan lae amárachbuailte linn. Ach creidim go fírinneach go ndéanaimidne, mar an AE -éiteartog -níos mó. Mar a deirtear i dteideal na tuairime, tá níos mó igceist ná maoiniú. Baineann sé le siombóis thionsclaíoch a chruthú don nuálaíocht áitiúil agus do chomhpháirtíochtaí áitiúla. Maidir linne, baineann sé seo le poist agus forbairt ingach réigiún dár gcuid. Sin é an chaoi a n-éireoidhleis an aistriúbarainneach.’ 

Cúlra 

• Físeán agus grianghraif ón díospóireacht.   

• An 25 Feabhra, thíolaic an Coimisiún Eorpach an Comhaontú maidir le Tionsclaíocht Ghlan, ina leagtar amach gníomhaíochtaí nithiúla chun an dícharbónú a iompú ina spreagadh fáis do thionscail na hEorpa. Áirítear leis sin praghsanna fuinnimh a ísliú, poist ardcháilíochta a chruthú, agus na dálaí cearta chun go mbeidh rath ar chuideachtaí.    

• An 2 Iúild’fhoilsigh an Coimisiún Eorpach Teachtaireacht maidir leis na chéad tograí a chur i gcrích i ndáil leis an gComhaontú maidir le Tionsclaíocht Ghlan. Ós rud é go bhfuil Compás an Aontais chun iomaíochas agus dícharbónú a áirithiú fite fuaite inachéile, tá sé ríthábhachtach é a chur chun feidhme i dtreosprioc aeráide 2040, a nochtadh an lá céanna freisin. Ceann de na príomhsheachadtaí is eaCreat Státchabhrach anChomhaontaithe maidir le TionsclaíochtGhlan, a glacadh an tseachtain seo caite, chun tuilleadh tacaíochta a thabhairt d’infheistíocht san aistriú chuig fuinneamh glan.

Teagmháil 

Theresa Sostmann 

Teil: +32 475999415 

Theresa.Sostmann@cor.europa.eu