Ceantair thuaithe an Aontais: ní mór cláir atá faoi stiúir grúpaí gníomhaíochta áitiúla agus pobal áitiúil a threisiú agus a shimpliú

Phléighcoimisiún acmhainní nádúrtha (NAT)Choiste Eorpach na Réigiún (CnaR) conas a d’fhéadfadh cláirLEADERagus cláir um Fhorbairt Áitiúil faoi stiúir an Phobail (CLLD) tar éis-27 rannchuidiú le cur chun feidhme níos fearr na físe fadtéarmaí do cheantair thuaithe an Aontais le linn an chruinnithe dheireanaigh den sainordú an 27 Samhain.

Ag féachaint chun cinn ag an gcéad téarma oifige eile de Choiste na Réigiún 2025-2030, rinne Coimisiún NAT a mhachnamh ar an méid a chuir sé le réimse na sláinte, an bhia, na talmhaíochta agus na turasóireachta agus tá sé tiomanta guth na réigiún agus na gcathracha sna beartais sin a neartú a thuilleadh, agus é ag díriú ar chuspóir polaitiúil aonair: athléimneacht. Tá Coimisiún NAT réidh chun oibriú leis an dá choimisinéir nua maidir le hullmhacht agus athléimneacht phobail an AE chun féachaint ar gach gné de bhainistíocht géarchéime agus tubaiste.

Mar chomhcheannairí anChomhshocraithe um anTuath, tá tús curtha ag coimisiún NAT le díospóireacht an-pholaitiúil maidir leis an dícheangal idir ceantair thuaithe agus rialachas Eorpach trístaidéarcuimsitheach dar teideal ‘rural areas and the geography of discontent’ [ceantair thuaithe agus tíreolaíocht na míshástachta], a foilsíodh an 5 Feabhra 2024.

Inniu, ag meabhrú dóibh go bhfuil an t-imeallú agus an tEoraisceipteachas ag dul i méid i gceantair thuaithe an Aontais, leag comhaltaí choimisiún NAT béim ar acmhainneacht mhodh LEADER, a chumhdaítear ina dhiaidh sin le hionstraim bheartais CLLD (forbairt áitiúil faoi stiúir an phobail) trí Ghrúpaí Gníomhaíochta Áitiúla (LAGanna). Leis an gcur chuige sin, déantar gníomhaithe áitiúla a shlógadh agus a chumhachtú go héifeachtach chun straitéisí nuálacha agus saincheaptha a fhorbairt lena gcuirtear bunluachanna an Aontais chun cinn, amhail rannpháirtíocht na saoránach agus comhtháthú sóisialta.

Idtuairim maidir le ‘Conas a d’fhéadfadh clársceidealú LEADER agus CLLD tar éis-27 rannchuidiú le cur chun feidhme níos fearr na físe fadtéarmaí do cheantair thuaithe an Aontais’, faoi stiúir Thibaut GUIGNARD (FR/PPE), Méara Plœuc-l’Hermitage, iarrann na comhaltaí tacaíocht airgeadais iontaofa d’fhorbairt áitiúil faoi stiúir an phobail CLLD-LEADERi ngach Ballstát tar éis 2027, arna cothú le ranníocaíochtaí ó chistí struchtúracha Eorpacha faoi chreat rialála aonair, lena simplítear cur chun feidhme straitéisí críochacha. Iarrannsiad freisin ar an gComhairle, ar Pharlaimint na hEorpa agus ar na Ballstáit an tionscnamh a ghlacadh chun na nósanna imeachta maidir le cur chun feidhme agus bainistiú chlár LEADER a shimpliú agus a chomhdhlúthú. Ar deireadh, moltar sa tuairim go dtabharfaí aitheantas níos fearr do LAGanna agus go mbeadh daoine óga agus mná rannpháirteach i gcomhlachtaí cinnteoireachta thionscadail LEADER.

Glacfar an tuairim go foirmiúil le linn sheisiún iomlánach CnaR i mí Feabhra.

Luaigh

Rapóirtéir Thibaut GUIGNARD (FR/PPE), Méara Plœuc-l’Hermitage agus Uachtarán LEADER France: ‘Is gá cur chuige níos saincheaptha agus níos solúbtha a ghlacadh maidir le forbairt tuaithe tar éis 2027. Molaimid an rochtain ar chistiú a shimpliú, go háirithe trí chomhordú ilchiste agus trí uirlisí nua maoiniúcháin atá tiomnaithe don fhorbairt áitiúil. Iarraimid freisin go neartófaí ról straitéiseach na nGrúpaí Gníomhaíochta Áitiúla trí níos mó acmhainní agus neamhspleáchais a chur ar fáil dóibh. Is bunchloch é clársceidealú LEADER tar éis 2027 chun pobail tuaithe ar fud na hEorpa a chumhachtú. Trí Ghrúpaí Gníomhaíochta Áitiúla a chomhdhlúthú agus straitéisí nuálacha agus áitbhunaithe a chur chun cinn, cuirimid na huirlisí agus na hacmhainní is gá ar fáil dóibh chun dul i ngleic le dúshláin amach anseo. Tá sé ríthábhachtach troid chun go mbeidh an áit cheart ag na straitéisí sin sna clárthréimhsí atá le teacht.”

Cúlra

Ina theannta sin, chuir Yulia BARABANOVA, thar ceann AS AGRI sa Choimisiún Eorpach, nuashonruithe aran tSraith Straitéisí don Aistriú Digiteach d’fheirmeoirí agus do phobail tuaithe i láthair.

Sruthú gréasáin an chruinnithe.

Tháinig an téarma ‘LEADER’ ar dtús ón acrainm Fraincise ‘Liaison Entre Actions de Développement de l’Économie Rurale’, a chiallaíonn ‘Naisc idir an geilleagar tuaithe agus gníomhaíochtaí forbartha’.