Traineeships
Għandek għal qalbek l-involviment tar-realtà lokali u reġjonali fil-livell Ewropew? Temmen li jeħtieġ li ċ-ċittadini jkunu involuti fil-proċess tat-teħid ta’ deċiżjonijiet tal-UE? Mela agħti daqqa t’għajn lejn il-programmi ta’ traineeships li joffri l-KtR! Din hija opportunità unika għalik biex tkun f’kuntatt ma’ realtà istituzzjonali dinamika u eqreb lejn il-livell tan-nies!
F’din il-paġna
Traineeships Cicero
Bħala trainee tal-KtR, tesperjenza direttament id-dinamika ta’ istituzzjoni multilingwi u multinazzjonali. Fi ħdan grupp żgħir ta’ trainees, mhux biss tkun tista’ taħdem f’firxa wiesgħa ta’ aspetti tal-politika tal-UE, iżda jkollok ukoll il-possibbiltà unika li torganizza avveniment waħdek!
Bis-saħħa tal-iskema unika YFactor, it-trainees huma mistiedna jaħdmu fuq proġetti li jindirizzaw kwistjonijiet li huma rilevanti għar-reġjuni u l-bliet Ewropej. Kemm jekk tiddeċiedi li taħdem fuq konferenza, podcast, jew ktieb elettroniku, bħala trainee tal-KtR, il-kreattività tiegħek se tiġi sfidata u mħeġġa!
Fil-qosor: traineeships Cicero
- Perjodu: 5 xhur
- Full time / 40 siegħa fil-ġimgħa
- Post tax-xogħol fi Brussell, il-Belġju
- Ħlas b’għotja (madwar EUR 1,493 fix-xahar)
- Għażla ppreferuta bejn 3 dipartimenti tal-KtR
- Indennizz għall-ivvjaġġar u l-mobbiltà
- Kopertura fakultattiva tal-assigurazzjoni tas-saħħa
- Assigurazzjoni kontra l-aċċidenti inkluża
Kalendarju
Sessjoni tar-rebbiegħa: 16 ta’ Frar sal-15 ta’ Lulju
Perjodu ta’ applikazzjoni: mill-1 ta’ Lulju sat-30 ta’ Settembru (f’nofsinhar, ħin ta’ Brussell) tas-sena ta’ qabel
Preselezzjoni u intervisti: Novembru
Selezzjoni: Diċembru
Sessjoni tal-ħarifa: 16 ta’ Settembru sal-15 ta’ Frar
Perjodu ta’ applikazzjoni: mis-6 ta’ Jannar sal-31 ta’ Marzu (f’nofsinhar, ħin ta’ Brussell) tal-istess sena
Preselezzjoni u intervisti: Mejju
Selezzjoni: Ġunju
Twissija: Nirrakkomandaw li ma tħallix għall-aħħar biex tapplika peress li, minħabba traffiku għoli tad-data, l-applikazzjoni tiegħek tista’ ma tasalx fil-ħin. L-applikazzjonijiet li ma jintbagħtux fil-ħin jew li ma jitressqux elettronikament ma jiġux aċċettati.
Min jista’ japplika?
- Ċittadini tal-UE.
- Iċ-ċittadini minn pajjiżi terzi (inkluż ir-Renju Unit) jistgħu japplikaw ukoll, u jistgħu jintgħażlu f’każijiet eċċezzjonali, b’mod partikolari jekk l-applikazzjoni tagħhom tkun ta’ interess partikolari għall-KtR u jekk jikkonformaw mar-rekwiżiti skont il-liġi nazzjonali dwar l-immigrazzjoni għal residenza u xogħol legali fil-Belġju.
- Gradwati universitarji li jkunu kisbu lawrja tal-ewwel grad, jew li jkunu lestew mill-inqas it-tielet sena ta’ edukazzjoni għolja (università jew ekwivalenti) sad-data tal-għeluq għall-applikazzjonijiet.
- Kandidati li jitkellmu tajjeb b’waħda mil-lingwi tal-UE u li għandhom għarfien sodisfaċenti tal-Ingliż jew tal-Franċiż.
Il-kandidati li jkunu diġà pparteċipaw f’kollokament intern (kemm jekk bi ħlas kif ukoll jekk le) ta’ aktar minn 8 ġimgħat f’istituzzjoni, korp, delegazzjoni jew uffiċċju rappreżentattiv Ewropej jew li kellhom xi forma ta’ impjieg f’istituzzjoni jew korp Ewropew ma jiġux aċċettati.
Kif tapplika?
- Agħżel id-dipartiment tal-KtR preferut tiegħek (tista’ tagħżel sa 3 dipartimenti).
- Ara li timla l-oqsma obbligatorji, qis li tipprovdi biss informazzjoni korretta u ċċekkja l-applikazzjoni tiegħek qabel ma tissottomettiha.
Kun af li:
- Xorta tkun tista’ tagħmel bidliet fil-formola tiegħek qabel l-iskadenza tal-applikazzjoni.
- Dikjarazzjonijiet foloz iwasslu għar-rifjut tal-applikazzjoni jew għall-kanċellazzjoni tat-traineeship.
- Tista’ tissottometti applikazzjoni waħda biss għal kull perjodu ta’ traineeship.
Żjarat ta’ studju
L-istudenti li qed ifittxu li jiffinalizzaw il-proġett ta’ ħidma tagħhom, jew li huma kurjużi dwar kif l-awtoritajiet lokali u reġjonali jikkontribwixxu għal-leġiżlazzjoni tal-UE f’oqsma bħaċ-ċittadinanza, il-koeżjoni, it-tibdil fil-klima, l-akkwist pubbliku u s-sigurtà huma mistiedna japplikaw għal żjara ta’ studju. Iż-żjarat ta’ studju huma opportunità eċċellenti biex tiskopri d-dimensjoni ġeografika tal-politiki tal-UE. Barra minn hekk, huma okkażjoni tajba biex it-tħejjija akkademika tissaħħaħ b’esperjenza diretta fil-ħidma ta’ korp konsultattiv tal-UE.
Biex it-talba għal żjara ta’ studju tiġi aċċettata, l-applikanti jeħtiġilhom:
- jipprovdu prova ta’ finanzjament minn korp ieħor, bħal università, korp pubbliku/privat jew NGO, fil-forma ta’ borża ta’ studju, għotja, eċċ.;
- jew jagħtu prova li ż-żjara ta’ studju hija parti integrali mill-edukazzjoni tagħhom (pereżempju, jekk iż-żjara ta’ studju tkun meħtieġa bħala parti mir-riċerka tat-teżi jew biex jitlesta l-kors ta’ studju).
Fil-qosor: żjarat ta’ studju
- Perjodu: bejn xahar u 4 xhur, li jista’ jiġi estiżi sa 6 xhur skont ir-riżorsi disponibbli
- Id-data tal-bidu tiġi miftiehma mal-kandidat
- Full time / 40 siegħa fil-ġimgħa
- Post tax-xogħol fi Brussell, il-Belġju
- Kopertura tal-assigurazzjoni tas-saħħa mhux ipprovduta
- Assigurazzjoni kontra l-aċċidenti inkluża
Min jista’ japplika?
-
Ċittadini tal-UE.
Nota: Ċittadini minn pajjiżi terzi (inkluż ir-Renju Unit) jistgħu japplikaw u jistgħu jintgħażlu f’każijiet eċċezzjonali, b’mod partikolari jekk l-applikazzjoni tagħhom tkun ta’ interess partikolari għall-KtR u jekk jikkonformaw mar-rekwiżiti skont il-liġi nazzjonali dwar l-immigrazzjoni għal residenza u xogħol legali fil-Belġju.
- Kandidati li jkollhom mill-inqas lawrja ta’ Baċellerat (jew ikunu lestew nofs iċ-ċiklu ta’ lawrja ta’ Baċellerat meqjusa rilevanti għall-ħidma tal-KtR).
- Kandidati li jitkellmu tajjeb b’waħda mil-lingwi tal-UE u li għandhom għarfien sodisfaċenti tal-Ingliż jew tal-Franċiż.
Jista’ jkun li tintalab tipprovdi:
- kopja li tista’ tinqara tal-passaport jew il-karta tal-identità tiegħek;
- prova ta’ kopertura obbligatorja tal-assigurazzjoni tas-saħħa għall-perjodu kollu taż-żjara ta’ studju;
- kopja tad-diploma tal-Baċellerat tiegħek jew ċertifikat li juri li tkun lestejt b’suċċess, fil-bidu taż-żjara ta’ studju, mill-inqas nofs iċ-ċiklu ta’ taħriġ relatat ma’ lawrja ta’ Baċellerat li jitqies rilevanti għall-attivitajiet tal-KtR;
- kopji tal-provi tal-esperjenzi professjonali msemmija fl-applikazzjoni tiegħek.
Żjarat ta’ studju għall-uffiċjali tal-gvern
L-iskema hija miftuħa għal persunal jew trainees minn awtorità pubblika nazzjonali, reġjonali jew lokali ta’ Stat Membru tal-UE u tista’ tagħti kemm lill-KtR kif ukoll lill-istituzzjoni li timpjega lill-uffiċjal l-opportunità li jtejbu l-opportunitajiet ta’ kollaborazzjoni u networking. Barra minn hekk, l-uffiċjali li jipparteċipaw f’dan it-tip ta’ skema ta’ skambju jista’ jkollhom l-opportunità li jiksbu għarfien dwar il-ħidma tal-KtR u fl-istess ħin jiżviluppaw il-ħiliet, il-kompetenzi u l-għarfien tagħhom.
Fil-qosor: żjarat ta’ studju għall-uffiċjali tal-gvern
- Perjodu ta’ bejn xahrejn u 6 xhur. Id-Direttur inkarigat mir-Riżorsi Umani jista’ jawtorizza estensjoni għal perjodu totali ta’ tnax-il xahar.
- Id-data tal-bidu tiġi miftiehma mal-kandidat
- Full time / 40 siegħa
- Post tax-xogħol fi Brussell, il-Belġju
- Mhux bi ħlas, l-ispejjeż kollha jridu jiġu koperti mill-parteċipanti jew mill-awtorità li tibgħathom
- Assigurazzjoni kontra l-aċċidenti koperta mill-KtR
Min jista’ japplika?
-
Persunal jew trainees minn awtorità pubblika nazzjonali, reġjonali jew lokali ta’ stat membru tal-UE.
Nota: ċittadini minn pajjiżi terzi (inkluż ir-Renju Unit) jistgħu japplikaw u jistgħu jintgħażlu f’każijiet eċċezzjonali, b’mod partikolari jekk l-applikazzjoni tagħhom tkun ta’ interess partikolari għall-KtR u jekk jikkonformaw mar-rekwiżiti skont il-liġi nazzjonali dwar l-immigrazzjoni għal residenza u xogħol legali fil-Belġju.
- Kandidati li jkollhom mill-inqas lawrja ta’ Baċellerat (jew ikunu lestew nofs iċ-ċiklu ta’ lawrja ta’ Baċellerat meqjusa rilevanti għall-ħidma tal-KtR).
- Kandidati li jaħdmu f’pożizzjoni f’livell u b’kontenut li jikkorrispondi għad-dmirijiet imwettqa mill-persunal tal-UE fi ħdan il-KtR.
- Għarfien eċċellenti tal-Franċiż jew tal-Ingliż.
Jista’ jkun li tintalab tipprovdi:
- konferma tal-impjieg mill-awtorità emittenti u l-qbil tagħha għal żjara ta’ studju fil-KtR;
- prova ta’ kopertura obbligatorja tal-kopertura tal-assigurazzjoni tas-saħħa għall-perjodu kollu taż-żjara ta’ studju;
- kopji tad-diplomi u/jew taċ-ċertifikati uffiċjali rilevanti msemmija fl-applikazzjoni tiegħek;
- kopji tal-provi tal-esperjenzi professjonali msemmija fl-applikazzjoni tiegħek.
Kif tapplika?
- Agħżel id-dipartiment tal-KtR preferut tiegħek (tista’ tagħżel sa 3 dipartimenti).
- Ara li timla l-oqsma obbligatorji, qis li tipprovdi biss informazzjoni korretta u ċċekkja l-applikazzjoni tiegħek qabel ma tissottomettiha.
Nota:
Dikjarazzjonijiet foloz iwasslu għar-rifjut tal-applikazzjoni jew għall-kanċellazzjoni tat-traineeship.
Tista’ tissottometti applikazzjoni waħda biss.
Testimonjanzi
“Permezz tal-esperjenza tiegħi bħala trainee ta’ kollegament fid-Direttorat għar-Riżorsi Umani u l-Finanzi stabbilixxejt konnessjonijiet ma’ trainees oħra, u bis-saħħa tal-kuntatt soċjali u professjonali kostanti magħhom issa verament nifhem li l-UE għandha bżonn liż-żgħażagħ: aħna għandna potenzjal kbir u rridu nagħmlu l-Ewropa post aħjar għal kulħadd.”
Noemi Signorelli, Direttorat E – Riżorsi Umani u Finanzi; Unità E3 – Kundizzjonijiet tax-xogħol u ġestjoni tat-talenti
“Qatt ma ħsibt li bħala inġinier stajt insib posti fl-istituzzjonijiet tal-UE, speċjalment fil-Kumitat tar-Reġjuni. Mhux biss ħloqt u mmaniġġjajt proġett waħdi, iżda għamilt ukoll konnessjonijiet u kelli impatt reali fost il-persunal. Matul il-proċess, tgħallimt mill-qrib dwar il-ħidma ta’ istituzzjoni pubblika, u żviluppajt fuq livell personali u professjonali f’ambjent internazzjonali u diversifikat ħafna.”
Albert Nicolas Lopez , Direttorat IIT; Unità DIT
“L-esperjenza tiegħi fil-Kumitat tar-Reġjuni kienet rikka u ta’ sodisfazzjon. Il-vjaġġ tiegħi kien ikkaratterizzat minn tagħlim kontinwu, sens profond ta’ umanità, u involviment attiv. Kieku kelli nfisser l-esperjenza tiegħi fi ftit kliem ngħid li din kienet waħda ta’ żvilupp, fehim u involviment.”
Marta Gonzalez Barragan, Direttorat E – Riżorsi Umani u Finanzi; Unità EI – Użu strateġiku tar-riżorsi u amministrazzjoni intelliġenti