Il-Kumitat Ewropew tar-Reġjuni (KtR) iħeġġeġ lill-membri tiegħu jorganizzaw Djalogi Lokali dwar l-UE li jinvolvu liċ-ċittadini fil-kostitwenzi tagħhom. Il-KtR jappoġġja lill-membri u s-sostituti tiegħu li jorganizzaw Djalogi Lokali dwar l-UE b’indennizz fiss għas-sensibilizzazzjoni, kif ukoll appoġġ addizzjonali għall-komunikazzjoni u l-promozzjoni wara li jitolbu dan.
Id-Djalogi Lokali dwar l-UE għandhom l-għan li jqarrbu lill-UE lejn iċ-ċittadini billi jqajmu s-suġġetti li huma ta’ interess immedjat għall-komunitajiet lokali, iżda jirreferu wkoll għall-perspettiva strateġika aktar ġenerali ta’ diversi politiki tal-UE.
Jekk tixtieq tipparteċipa fi Djalogu Lokali dwar l-UE jekk jogħġbok iċċekkja jekk hux se jiġi jorganizzat xi wieħed dalwaqt minn membru mir-reġjun tiegħek.