Ní mór pobail áitiúla a bheith páirteach i bPlean Gníomhaíochta na hEorpa um Chumhacht Gaoithe

Iarrannna réigiúin agus na cathracha ar an gCoimisiún Eorpach rannpháirtíocht níos mó na saoránach agus na n-údarás áitiúil a áirithiú i gcur chun feidhme an Phlean Gníomhaíochta um Chumhacht Gaoithe toisc go bhfuil ról ríthábhachtach acu maidir le glacadh an phobail le tionscadail cumhachta gaoithe a chothú ar an leibhéal áitiúil. Sa tuairim a ghlac Coiste Eorpach na Réigiún an 9 Deireadh Fómhair, áitítear freisin go dtacófaí le slabhraí soláthair áitiúla agus go gcosnófaí tionscal cumhachta gaoithe na hEorpa ar iomaíocht éagórach.

Measann ceannairíáitiúla agus réigiúnacha gurb iad is fearr atá in ann a áirithiú go nglacfaidh an pobal le tionscadail cumhachta gaoithe trí pháirt ghníomhach a thabhairt do shaoránaigh ina bpobail ag céim na pleanála. Sa tuairim a dhréachtaigh Andries Gryffroy (BE/EA), Feisire de Pharlaimint Fhlóndras, iarrtar ar an gCoimisiún Eorpach ‘ardán iontaoibhe’ a fhorbairt chun feabhas a chur ar an gcumarsáid maidir le slabhraí soláthair áitiúla, poist agus gnóthachain shochaíocha eile a eascraíonn as tionscal an fhuinnimh in-athnuaite a chruthú. Meastar go bhfuil sé sin ríthábhachtach chun glacadh ginearálta a mhéadú agus chun daoine oilte a mhealladh chuig an earnáil.

Tugtar le fios sa tuairim go bhféadfadh soláthar rochtana ar ghiniúint fuinnimh faoi dhálaí buntáisteacha a bheith ina bhealach chun cónaitheoirí agus údaráis áitiúla araon a chúiteamh, rud a chuideodh le haghaidh a thabhairt ar aon éifeacht ar an tírdhreach nó ar shuaitheadh eile a bhaineann le tionscadail fuinnimh gaoithe. Leagannna réigiúin agus na cathracha béim freisin ar ról na gcomharchumann agus na bpobal fuinnimh maidir le tionscadail fuinnimh gaoithe ísealchumhachta ar mhionscála a chur in úsáid agus maidir le toradh airgeadais a chur ar fáil do na pobail áitiúla lena mbaineann.

Ag an am céanna, tá rabhadh á thabhairt ag ceannaire áitiúil agus réigiúnach i gcoinne míchothrom iomaíochta agus tá sé ag tathant go dtacófaí le slabhraí soláthair gaoithe na hEorpa chun iomaíochas ghnólachtaí an Aontais a neartú agus spleáchas ar thríú tíortha a laghdú ag an am céanna. Molann CESE lipéad ‘déanta san Eoraip agus ag an Eoraip’ a chruthú lena mbunófaí an oibleagáid maidir le híosmhéid ábhair áitiúil i gcomhpháirteanna tuirbíní gaoithe. Ina theannta sin, ba cheart an sásra coigeartaithe carbóin ar theorainneacha a chur chun feidhme a luaithe is féidir, agus ba cheart gnéithe comhshaoil agus sóisialta a áireamh i nósanna imeachta soláthair phoiblí agus i bpróisis cheantála.

Ós rud é go bhfuil acmhainneacht na heangaí ag cur bac cheana féin ar nascadh an fhuinnimh gaoithe, is gá an bonneagar criticiúil le haghaidh stóráil, iompar agus dáileadh fuinnimh, lena n-áirítear idirnaisc trasteorann, a neartú. Tá CnaR ag tathant ar an gCoimisiún Eorpach forbairt na n-eangach a éascú le plean fadtéarmach forbartha eangaí áitiúla, lena dtugtar tús áite d’infheistíochtaí i mbonneagar eangaí agus sa chomhar réigiúnach.

Leagannna cathracha agus na réigiúin béim freisin ar an ról atá acu sa phróiseas ceadaithe agus ar an ngá atá leis na scileanna agus na huirlisí is gá a chur ar fáil dóibh chun measúnú a dhéanamh ar aon choinbhleachtaí a d’fhéadfadh a bheith ann le treoracha agus rialacháin Eorpacha, amhail an Treoir maidir le hÉin agus an Treoir maidir le Gnáthóga. D’fhéadfadh sé sin cabhrú le héifeachtúlacht agus ráta formheasa na bpróiseas ceadaithe a fheabhsú, agus caighdeáin chomhshaoil á gcur san áireamh, agus le nósanna imeachta dlíthíochta a chomhchuibhiú agus a íoslaghdú. 

Luaigh:

Rapóirtéir Andries Gryffroy BE/EA, Comhalta de Pharlaimint Fhlóndras: “Is príomhghné de mheascán fuinnimh an Aontais é fuinneamh gaoithe chun spriocanna aeráide agus neamhspleáchas fuinnimh a bhaint amach. Mar sin féin, chun dul i ngleic leis na bacainní agus chun glacadh níos tapúla na teicneolaíochta sin a áirithiú, ní mór níos mó a dhéanamh chun glacadh an phobail i gcoitinne a fheabhsú. Anuas air sin, ní mór do phobail áitiúla a bheith rannpháirteach go leordhóthanach i bhforbairt tionscadal cumhachta gaoithe. Tá níos mó pleananna agus infheistíochtaí fadtéarmacha i stóráil fuinnimh agus i bhforbairt eangaí de dhíth ar an Aontas chun fuinneamh a iompar ón bpointe táirgthe go dtí an pointe tomhaltais, agus táirgeadh eadrannach fuinnimh gaoithe a chur san áireamh. Ba cheart an próiseas ceadaithe a chuíchóiriú agus caighdeáin chomhshaoil á gcur san áireamh agus ba cheart coinbhleachtaí a d’fhéadfadh a bheith ann le treoracha agus rialacháin Eorpacha eile a réiteach trí chuíchóiriú níos fearr a dhéanamh idir treoracha.’

 Tuilleadh eolais:

 Chun dlús a chur le monaraíocht fuinnimh gaoithe ar fud na hEorpa, chuir an Coimisiún EorpachPacáiste an Aontais um Chumhacht Gaoithe i láthair i mí Dheireadh Fómhair 2023. Tá dhá thionscnamh ann – an Plean Gníomhaíochta Eorpach um Chumhacht Gaoithe agus teachtaireacht maidir le huaillmhianta gaoithe amach ón gcósta an Aontais a bhaint amach.

 De réir Eurostat,b’ionann fuinneamh gaoithe agus breis agus aon trian (37.5 %) den leictreachas iomlán a gineadh ó fhoinsí in-athnuaite san Aontas in 2022. Measann an Coimisiún Eorpach go mbeidh gá le hacmhainneacht shuiteáilte chun fás ó 204 GW in 2022 go dtí níos mó ná 500 GW in 2030 chun sprioc an Aontais maidir le 42.5 % ar a laghad d’fhuinneamh in-athnuaite a bhaint amach faoi 2030.

 De réir thuarascáil iomaíochais Wind Europe 2023, chuir an tionscal gaoithe thart ar 300,000 post ar fáil san Aontas in 2022. Go dtí seo, b’ionann monaróirí Eorpacha agus 85 % de mhargadh fuinnimh gaoithe an Aontais agus 94 % san earnáil amach ón gcósta.

Bileog eolais maidir leis an bPlean Gníomhaíochta um Chumhacht Gaoithe

Teagmháil:

Lauri Ouvinen
Teil: +32 473536887
lauri.ouvinen@cor.europa.eu