Din id-dikjarazzjoni tapplika għall-applikazzjoni għall-apparati mobbli tal-Kumitat Ewropew tar-Reġjuni.
Din l-applikazzjoni hija ġestita mill-Kumitat Ewropew tar-Reġjuni.
Għandek tkun tista’:
- taraha f’diversi daqsijiet tal-iskrin;
- tinnaviga fil-biċċa l-kbira tal-applikazzjoni billi tuża qarrej tal-iskrin modern u software għar-rikonoxximent tad-diskors fuq l-apparat mobbli tiegħek.
Status ta’ konformità
Din l-applikazzjoni għall-apparati mobbli hija parzjalment konformi mal-istandard tekniku EN 301 549 v.3.2.1 u l-Linji Gwida għall-Aċċessibbiltà għall-Kontenut tal-Web 2.1 Livell AA. Ara t-taqsima “Kontenut mhux aċċessibbli” għal aktar dettalji.
L-applikazzjoni ġiet ittestjata l-aħħar fis-26 ta’ Mejju 2025.
Tħejjija ta’ din id-dikjarazzjoni
Din id-dikjarazzjoni ġiet riveduta fit-28 ta’ Mejju 2025.
Din id-dikjarazzjoni tħejjiet abbażi ta’ awtovalutazzjoni u feedback mill-Google Play Developer Console. Il-feedback mill-Console ġie applikat parzjalment.
Feedback
Nilqgħu l-feedback tiegħek dwar l-aċċessibbiltà tal-applikazzjoni għall-apparati mobbli tal-Kumitat Ewropew tar-Reġjuni. Għarrafna jekk tiltaqa’ ma’ ostakli b’rabta mal-aċċessibbiltà:
- Telefown: +32 2 282 22 11
- Formola ta’ kuntatt: Ikkuntattjana
Nippruvaw mill-aħjar biex inwieġbu għall-feedback fi żmien 15-il jum ta’ xogħol minn meta tasal il-mistoqsija fid-dipartiment responsabbli.
Kompatibbiltà mat-teknoloġija assistiva
L-applikazzjoni għall-apparati mobbli tal-Kumitat Ewropew tar-Reġjuni hija kompatibbli ma’:
- Is-sistemi operattivi tal-Android u tal-iOS
- L-aħħar verżjonijiet tal-qarrejja tal-iskrin bħal TalkBack (Android) u VoiceOver (iOS)
- L-għodod komuni għall-kontroll bil-vuċi u għall-aċċess permezz ta’ interrutturi
Kontenut mhux aċċessibbli
Ċerti elementi tal-applikazzjoni mhumiex kompletament aċċessibbli. B’mod partikolari:
- ċerti buttuni u stampi ma għandhomx tikketti ċari jew deskrittivi, li jagħmilhom diffiċli biex jinftiehmu mill-utenti li jiddependu mill-qarrejja tal-iskrin;
- diversi żoni interattivi huma iżgħar minn dak li huwa rakkomandat, u dan jista’ jagħmel in-navigazzjoni diffiċli għall-utenti b’destrezza limitata;
- l-elementi testwali u viżivi f’ċerti partijiet tal-applikazzjoni ma għandhomx kuntrast suffiċjenti, li jista’ jaffettwa l-leġġibbiltà għall-utenti b’vista batuta;
- ċerti prattiki tajbin li jikkonċernaw l-aċċessibbiltà teknika għadhom ma ġewx implimentati bis-sħiħ.
Għaddejja ħidma biex jiġu indirizzati dawn il-kwistjonijiet u tittejjeb l-aċċessibbiltà ġenerali tal-applikazzjoni.