Is polaiteoir Spáinneach é Juanma Moreno (a rugadh an 1 Bealtaine 1970, sa Spáinn) a bhfuil taithí fhairsing aige ar an rialachas áitiúil, réigiúnach, náisiúnta agus Eorpach. Bhí sé ina uachtarán ar bhrainse na hóige den Partido Popular in Málaga in 1993 agus san Andalúis in 1995, sular ceapadh é ina uachtarán náisiúnta ar an mbrainse ó 1997 go 2001. Ó shin i leith, bhí róil aige ar an leibhéal áitiúil, réigiúnach, náisiúnta agus Eorpach.
Ó 1995 go 1997, bhí Juanma Moreno ina chomhairleoir ar Chomhairle Cathrach Málaga. Bhí sé ina theachta i gComhdháil na Spáinne ó 2000 go 2011 agus bhí sé ina Státrúnaí um Sheirbhísí Sóisialta agus Comhionannas ó 2012 go 2014. Ó 2015 i leith, tá sé ina chomhalta de Pharlaimint na hAndalúise agus, ó 2018, tá sé i gceannas ar rialtas an réigiúin agus é ina uachtarán ar Junta de Andalucía (Rialtas Réigiúnach na hAndalúise). Tá sé ina uachtarán freisin ar Partido Popular na hAndalúise ó 2014.
In 2019, rinneadh comhalta de Choiste Eorpach na Réigiún (CnaR) de Juanma Moreno, agus ceapadh ina leas-uachtarán é in 2021. In 2022, ghlac sé ról Leas-Uachtarán Ghrúpa PPE in CnaR. Le linn na tréimhse sin, bhí sé ina rapóirtéir ar thuairimí tábhachtacha agus ghlac sé páirt i dtoscaireachtaí CnaR ag COP28 agus COP29.
