Is céim chun tosaigh é an pacáiste gluaisteán ach molann na réigiúin cosaintí do tháirgeadh gluaisteán áitiúil

Thug rapóirtéir nuacheaptha Choiste Eorpach na Réigiún maidir leis an bPacáiste Gluaisteán, María Chivite, in éineacht le Guido Guidesi, Cathaoirleach Chomhghuaillíocht Réigiúin na nGluaisteán (ARA) agus Franck Leroy, Leas-Chathaoirleach ARA, freagra ar fhoilsiú Phacáiste na nGluaisteán ag an gCoimisiún Eorpach inniu. 

Seo mar a labhair María Chivite (ES/PSE), Uachtarán réigiún Navarra: ‘Is tráth cinniúnach é pacáiste nua an Choimisiúin Eorpaigh maidir le mótarfheithiclí dár dtionscail agus do na réigiúin atá ag brath orthu. Ní mór don Eoraip oibriú as lámh a chéile lena réigiúin, trí úsáid a bhaint as táscairí lena gcumasaítear gníomhaíocht bheacht atá dírithe ar an gcomhtháthú agus comhdheiseanna. Ba cheart an plean sin a bheith ina dheis chun dul chun cinn a dhéanamh agus bearnaí a líonadh, rud a spreagfadh aistriú rathúil i dtreo Eoraip inbhuanaithe a mbeidh nuálaíocht theicneolaíoch mar thoradh uirthi. Má dhéantar cúlú ar sprioc 2035 maidir le hastaíochtaí nialasacha, tá an baol ann go mbainfí an bonn ní hamháin ó bhuntáiste iomaíoch na hEorpa ach óna ceannaireacht aeráide freisin. Ach ní hé seo an t-am le haghaidh imní, tá sé in am le haghaidh gnímh. Is é an rud is tábhachtaí i ndáiríre a chinntiú go bhfanfaidh an táirgeadh fréamhaithe inár réigiúin, le comhpháirteanna Eorpacha, agus aistriú cóir uaillmhianach a bhaint amach dár ngeilleagar, ag freastal ar dhaoine agus ar an bpláinéad araon. Beidh an prionsabal sin ina threoir do mo chuid oibre mar rapóirtéir do Choiste Eorpach na Réigiún maidir leis an bpacáiste sin.’ 

Dúirt Guido Guidesi, Aire Réigiúnach Forbartha Eacnamaíche réigiún na Lombairde: “Dealraíonnségur céim chun cinn é,  nach mór a fhíorú sna doiciméid theicniúla; mar sin féin, fiú má dheimhnítearan rud is cosúil a bheith ag teacht chun cinn,beidhi bhfad níos mó agteastáil . Tá an oscailt atá ag teacht ón mBruiséil inniu mar thoradh ar obair an-dian agus an-éilitheach a thosaigh in 2022. Ní bheidh an tsoghluaisteacht amach anseo inbhuanaithe ó thaobh an chomhshaoil, an gheilleagair agus na sochaí de ach amháin má tá ról ceannasach ag na teicneolaíochtaí uile, lena n-áirítear innill dócháin inmheánaigh. Mar thoradh ar an idé-eolaíocht, ar an dolúbthachtagus ar mhainneachtain éisteachta, tá staideacnamaíoch thar a bheithdeacair ann agus chuir siad an earnáil ar fad i mbaol. Inniu, glacann an Coimisiún céim chun tosaigh i dtreo na réasúntachta, an mhargaidh agus na dtomhaltóirí, ach beidh gá le i bhfad níos mó chun anearnáil a shábháil.  Thar aon ní eile, is é an rud atá ag teastáil ná Coimisiún nach dtugannneamhaird ar an bhfianaise. Leanfaidh na réigiúin de bheith ag troid in aon chás.’ 

Thug Franck Leroy, Uachtarán an réigiúin Grand-Est, an méid seo a leanas dá aire: “Is céim chinntitheach é an pacáiste beart a cuireadh i láthair inniu, pacáiste a raibh an earnáil ina hiomláine ag súil leis le fada: soiléirítear ann, ar deireadh, an chonair Eorpach do thodhchaí thionscal na ngluaisteán agus dá dhícharbónú. Cinnfidh na roghanna atá le teacht ár gcumas poist, gnólachtaí agus fios gnó a chosaint ar fud ár gcríoch go léir. Tá na bearta sin riachtanach ach ní leor iad: Ní mór don Eoraip í féin a fheistiú go tapa le huirlisí atá i gcomhréir leis an dúshlán chun iomaíochas na hearnála a athbhunú i bhfianaise iomaíocht idirnáisiúnta atá ag éirí níos ionsaithí. Beimid ar an airdeall go háirithe maidir leis na tograí atá ar na bacáin maidir leis an rialachán dícharbónaithe agus maidir leis an gcéad Chreat Airgeadais Ilbhliantúil (CAI) eile – go háirithe an Ciste Iomaíochais – nach mór dóibh páirt iomlán a thabhairt do na réigiúin agus na hacmhainní a chur ar fáil dóibh chun gníomhú. 

Táthar ag súil go gcuirfear an tuairim ó CnaR Pacáiste na nGluaisteán i láthair in 2026. 

Cúlra 

• Is tionscnamh de chuid Choiste Eorpach na Réigiún é Comhaontas Réigiúin na nGluaisteán, ina bhfuil 40 réigiún rannpháirteach, arb é is aidhm dó a áirithiú nach bhfágfar aon réigiún ar lár i gclaochlú inbhuanaithe an iompair de bhóthar agus na hearnála mótarfheithiclí san Aontas. Tugtar le chéile ann réigiúin ina bhfuil earnáil láidir mótarfheithiclí ar mian leo ról gníomhach a bheith acu i ndícharbónú na hearnála iompair agus rannchuidiú le cuspóirí an Chomhaontaithe Ghlais don Eoraip, chun aistriú cóir a áirithiú do réigiúin mótarfheithiclí. 

• Tá an t-aistriú cóir i réigiúin mhótarfheithiclí na hEorpa ríthábhachtach do ARA agus do Choiste na Réigiún. Sa tuairim ó CnaR ‘A just transition for all EU regions’ [Aistriú cóir do réigiúin uile an Aontais], leis an rapóirtéir Marco Marsilio (IT/ECR), Uachtarán réigiún Abruzzo, d’iarr ceannairí áitiúla agus réigiúnacha cistiú spriocdhírithe ón Aontas agus cur chuige atá neodrach ó thaobh na teicneolaíochta de chun aistriú cóir a áirithiú nach gcuirfidh iomaíochas réigiúin agus thionscail na hEorpa i mbaol.     

Teagmháil 

Theresa Sostmann
Teil: +32475999415
Theresa.Sostmann@cor.europa.eu