Tagann ceannairí áitiúla le chéile le hUachtaránacht na Danmhairge maidir le hathléimneacht agus slándáil agus tathantaíonn siad ar an gComhairle éisteacht le hábhair imní na réigiún agus na gcathracha maidir leis an gcéad bhuiséad eile de chuid an Aontais

Tá cathracha agus réigiúin an Aontais ag brath ar thacaíocht ó Uachtaránacht na Danmhairge ar Chomhairle an Aontais Eorpaigh chun borradh a chur faoin athléimneacht ar an leibhéal áitiúil agus réigiúnach i gcoinne bagairtí seachtracha, amhail cibirionsaithe nó feachtais bhréagaisnéise. I gcruinnithe na seachtaine seo le hionadaithe rialtas na Danmhairge, d’áitigh an tUachtarán Kata Tüttőagus príomhchomhaltaí eile de Choiste Eorpach na Réigiún (CnaR) ar Uachtaránacht na Comhairle éisteacht le hábhair imní na gcathracha agus na réigiún maidir leis an togra don chéad bhuiséad fadtéarmach eile de chuid an Aontais trína chinntiú go mbeidh réigiúin uile an Aontais incháilithe do chistiú comhtháthaithe a bhainistítear i gcomhpháirtíocht leis na húdaráis áitiúla agus réigiúnacha.

TháinigComhdháil na nUachtarán in CnaRle chéile Déardaoin an 18 Meán Fómhair i gCóbanhávan le Torsten Schack Pedersen, Aire Athléimneachta agus Ullmhachta na Danmhairge. ChuirUachtarán CnaR, Kata Tüttő, Comhalta de Chomhairle Cathrach Bhúdaipeist, in iúl go bhfuil ról lárnach ag na húdaráis áitiúla agus réigiúnacha i straitéisí athléimneachta maidir le rioscaí a thuar agus bearta ullmhachta a mhúnlú: ‘I bhfianaise athléimneacht na sochaithe atá ag cur leis an muinín, tá sé ríthábhachtach brath ar na leibhéil is airde muiníne atá ag na ceannairí réigiúnacha agus áitiúla. Ag an am céanna, tá praghas ag baint leis an athléimneacht. Ní mór an praghas sin a léiriú sa deis atá ann cistiú comhtháthaithe a chur ar fáil chun bearta athléimneachta a mhaoiniú sa chéad bhuiséad fadtéarmach eile de chuid an Aontais do 2028-2034’, a dúirt sí.

An lá ina dhiaidh sin, tháinigBiúró CnaR le chéile in Helsingør, ar a raibh ionadaithe ó na toscaireachtaí náisiúnta agus ó na grúpaí polaitiúla uile. Sa seisiún tosaigh, thug Aire Gnóthaí Eorpacha na Danmhairge, Marie Bjerre, dá aire ábhair imní chomhaltaí an Bhiúró maidir leis na pleananna chun bainistiú an chistithe comhtháthaithe a lárú, chun deireadh a chur le hinfhaighteacht an bheartais chomhtháthaithe do gach catagóir réigiún agus chun beartais chomhtháthaithe agus talmhaíochta a chónascadh. D’iarr an tAire go dtiocfaí ar an gcothromaíocht cheart idir borradh a chur faoi iomaíochas, cosaint agus forbairt réigiúnach na hEorpa, le caiteachas ar bheartas comhtháthaithe a fhreagraíonn do na dúshláin sin agus atá nasctha le ceanglais athchóirithe agus le hurraim don smacht reachta. Dhearbhaigh an tAire Bjerre go raibh sí rannpháirteach i seisiún iomlánach CnaR an 14 Deireadh Fómhair chun leanúint den díospóireacht le ceannairí áitiúla agus réigiúnacha.

Bhí an méid seo a leanas le rá ag Uachtarán CnaR, Tüttő: "Is ar Uachtaránacht na Danmhairge ar Chomhairle an Aontais Eorpaigh atá an phríomhfhreagracht tús a chur leis an gcaibidlíocht maidir leis an gcéad bhuiséad eile de chuid an Aontais. Leis an togra a chuir an Coimisiún Eorpach síos i mí Iúil, tá an baol ann go lagófar agus go ndíchobhsófar ár nAontas trína straitéisí fáis agus a infheistíochtaí a lárú go mór. Tá sé cinntitheach a chinneadh cé a dhéanfaidh an méid atá sa chéad bhuiséad eile de chuid an Aontais, chomh maith le figiúirí a chomhaontú. Ar an gcúis sin, thathantaíomar ar Uachtaránacht na Danmhairge gan an cart a chur os comhair na gcapall agus gan díriú ar na gnéithe buiséadacha amháin sa phlé leanúnach i measc na mBallstát.’

Díríodh i ndíospóireachtaí an Bhiúró ar an ullmhacht a neartú i gcoinne bagairtí ar an tslándáil agus aran daonlathas ar an leibhéal áitiúil agus réigiúnach, le príomhóráid óVěra Jourová,iar-Leas-Uachtarán an Choimisiúin Eorpaigh agus faoi láthair Leas-Reachtaire Ollscoil Charles i bPrág.  Leag na cainteoirí béim ar an ngá atá le feasacht a mhúscailt agus infheistíochtaí a mhéadú in athléimneacht dhigiteach na riarachán áitiúil agus réigiúnach atá fós i measc na spriocanna is leochailí le haghaidh cibirionsaithe agus maoirseacht a dhéanamh ar bhonneagar criticiúil, lena n-áirítear cúram sláinte. Mar sin féin, tá dúshláin rompu amhail comhordú ilroinnte, buiséid theoranta, agus ganntanais tallainne. Leag comhaltaí an Bhiúró béim freisin ar an ról atá ag slabhraí soláthair éagsúla agus slána maidir leis an ullmhacht do thurraingí amach anseo a neartú.

Dúshlán mór eile do na húdaráis phoiblí uile is ea athléimneacht an daonlathais a chosaint ar an antoisceachas, ar an bpolarú agus ar an mbréagaisnéis atá ag dul i méid. Mheabhraigh na ceannairí áitiúla an ról lárnach atá ag cathracha agus réigiúin maidir le muinín a chothú i bpróisis dhaonlathacha agus in institiúidí daonlathacha trí thrédhearcacht, cuntasacht agus rannpháirtíocht an phobail a áirithiú. 

Ba iad Anders Kühnau, Cathaoirleach Réigiúin na Danmhairge, agus Erik Flyvholm (DK/Renew E.), Ionadaí Rialtas Áitiúil na Danmhairge, a d’óstáil na cruinnithe sa Danmhairg.