Foireann shealadach
Tá trí chatagóir ag baint leis an bhfoireann shealadach a fhostaíonn Coiste Eorpach na Réigiún: foireann shealadach i bpost sealadach (2a), an tArdrúnaí, fhoireann shealadach sna grúpaí polaitiúla agus in oifig phríobháideach an Uachtaráin san áireamh (2c) agus foireann shealadach i bpost buan (2b) a earcaítear i gcás nach n-éiríonn le fógra folúntais agus/nó nach féidir ball foirne buan a earcú.
Formhór na gconarthaí a thugtar do ghníomhairí sealadacha i gCoiste Eorpacha na Réigiún, is conarthaí 2b iad a mhaireann idir sé mhí agus ceithre bliana ar a mhéad, ar féidir síneadh dhá bhliain ar a mhéad a chur leo. Na conarthaí foirne sealadacha 2c, is conarthaí neamhiata iad i gcás na ngrúpaí polaitiúla ach tá siad nasctha le téarma oifige an Uachtaráin i gcás oifig phríobháideach an Uachtaráin.
Nuashronrú tábhachtach: Athruithe ar Phróiseas Roghnúcháin na Foirne Sealadaí
Tá próiseas roghnúcháin na foirne sealadaí nuashonraithe ag Coiste Eorpach na Réigiún (CnaR). Rinneadh na hathruithe a leanas:
Deireadh curtha le bunachar sonraí na n-iarrthóirí
- Ní bheidh bunachar sonraí ginearálta iarrthóirí á choinneáil ag CnaR a thuilleadh.
- As seo amach, déanfar gach post neamhbhuan a fhoilsiú ar bhonn córasach ar leathanach post CnaR.
- Is féidir go bhfoilseofar róil ar chuntas LinkedIn CnaR freisin.
Próiseas iarratais cuíchóirithe
- Gach fógra folúntais agus gairm ar léiriú spéise, is trí bhíthin HR eForms a bhainisteofar iad, agus trína bhíthin sin amháin, rud a chinnteoidh próiseas éifeachtúil soláimhsithe.
Má theastaíonn uait a bheith ar an eolas faoi na deiseanna is déanaí, moltar duit súil a chaitheamh go rialta ar an leathanach post agus CnaR a leanúint ar LinkedIn.
Foireann ar conradh
Is féidir post a fháil le Coiste Eorpach na Réigiún mar bhall foirne ar conradh. Maidir leis an bhfoireann ar conradh (baill foirne CAST, mar a thugtar orthu), cuimsítear idir riachtanais bhuana (catagóir 3a, feidhmghrúpa I – uiséirí, tiománaithe, oibrithe láimhe, agus mar sin de, ar chonarthaí neamhiata i ndiaidh dhá chonradh tosaigh ar théarma seasta) agus riachtanais shealadacha chun tionscadail ar leith a chur i gcrích agus/nó chun tacaíocht a sholáthar thar thréimhse theoranta ama i gcás duine a bheith as láthair nó an t-ualach oibre a bheith an-ard, agus mar sin de (catagóir 3b, feidhmghrúpaí II, III agus IV) ar chonradh ar théarma seasta (trí mhí ar a laghad ar féidir síneadh sé bliana san iomlán a chur leis).
Tá poist mar bhall den fhoireann ar conradh ar fáil i réimse leathan ról, a bhfuil leibhéil agus cineálacha éagsúla cáilíochtaí i gceist leo.
Na réimsí is mó tóir i gCoiste Eorpach na Réigiún ná gnóthaí polaitiúla, an beartas Eorpach, an chumarsáid, teicneolaíocht na faisnéise agus na cumarsáide, aistritheoirí agus foireann teanga, bainistíocht tionscadal / clár, rúnaithe / cléirigh, an riarachán / acmhainní daonna, an t-airgeadas, an dlí, oibrithe tacaíochta láimhe agus riaracháin.
I gcás fhormhór na bpost ar conradh, ní mór don iarrthóir éirí leis i scrúdú EPSO CAST a bhaineann leis an bhfeidhmghrúpa cuí, ach amháin má luaitear a mhalairt sa ghairm ar léiriú spéise. Ní mór na critéir roghnúcháin agus incháilitheachta a léamh go cúramach sular gcuirtear isteach ar phost.
Féach suíomh gréasáin EPSO chun tuilleadh eolais a fháil agus chun iarratas a chur isteach ar CAST Buan EPSO.
Mar is féidir cur isteach ar phost ar conradh le CnaR
Don té atá cláraithe cheana féin nó ar mian leis clárú le bunachar sonraí CAST agus ar mhian leis go gcuirfí san áireamh é le haghaidh post foirne ar conradh le Coiste Eorpach na Réigiún, ba cheart aird a thabhairt ar na hathruithe a leanas a rinneadh:
Nuashonraithe ar an bpróiseas roghnúcháin
Deireadh curtha le bunachar sonraí na n-iarrthóirí
- Ní bheidh bunachar sonraí iarrthóirí spontáineacha ar phost foirne ar conradh á choinneáil ag CnaR a thuilleadh.
- Ina ionad sin, as seo amach, déanfar gach post neamhbhuan a fhoilsiú ar bhonn córasach ar leathanach post CnaR.
- Is féidir go bhfoilseofar róil ar chuntas LinkedIn CnaR freisin.
Próiseas iarratais cuíchóirithe
- Gach fógra folúntais agus gairm ar léiriú spéise, is trí bhíthin HR eForms a bhainisteofar iad ina n-iomláine, rud a chinnteoidh gur próiseas éifeachtúil sothuigthe a bheidh ann.
Má theastaíonn uait a bheith ar an eolas faoi na deiseanna is déanaí, moltar duit súil a chaitheamh go rialta ar an leathanach post agus CnaR a leanúint ar LinkedIn.
