Tá níos mó ionchuir áitiúil ag teastáil le haghaidh athchóirithe suntasacha ar an imirce

Cuireann ceannairí réigiúnacha agus áitiúla brú ar rialtais náisiúnta agus ar an Aontas éisteacht le hábhair imní na bpobal áitiúil a bhfuil iarrthóirí tearmainn agus imircigh á n-óstáil acu.

Tá an baol ann go mbainfear an bonn go polaitiúil agus go praiticiúil d'athchóiriú an Aontais Eorpaigh ar a chóras imirce agus tearmainn mura n-éistfear le hábhair imní na n-údarás áitiúil agus réigiúnach, a dúirt Coiste Eorpach na Réigiún (CnaR) an 9 Deireadh Fómhair. Chuir tionól an AE do pholaiteoirí áitiúla agus réigiúnacha béim freisin ar imní faoi chothroime an chórais nua agus laigí a d'fhéadfadh cearta na n-imirceach a theorannú.

Tá na rabhaidh le fáil i sraith moltaí arna nglacadh ag CnaR arb é is aidhm dóibh a áirithiú nach gcuirfear i mbaol cuspóirí an Chomhshocraithe Nua maidir le hImirce agus Tearmann – córas níos inbhuanaithe agus níos daonnúla a bhunú chun an imirce isteach san Eoraip a bhainistiú – nuair a chuirfidh na rialtais náisiúnta chun feidhme iad. Ghlac an tAontas na hathchóirithe an 12 Meitheamh tar éis blianta de dhíospóireacht. Tá go dtí an 12 Nollaig ag Ballstáit an Aontais Pleananna Náisiúnta Cur Chun Feidhme a ullmhú, pleananna a bheidh faoi réir fhormheas an Choimisiúin Eorpaigh ina dhiaidh sin. 

Sna moltaí ó CnaR, a dhréachtaigh Antje Grotheer (DE/PSE), Uachtarán Pharlaimint Bremen, áitítear ar na rialtais náisiúnta comhairliúcháin luatha a reáchtáil le rialtais áitiúla agus le pobail áitiúla maidir le suíomh na nósanna imeachta scagtha agus teorann, agus maidir le cúram sláinte agus comhairle dlí atá le cur ar fáil. Dúirt polaiteoirí áitiúla agus réigiúnacha freisin gur cheart riachtanais chosanta daoine nuathagtha a chinneadh ar bhealach níos tapúla. Caitheann go leor imirceach agus iarrthóirí tearmainn míonna fada, uaireanta blianta, i réigiúin teorann agus iad ag fanacht go gcinnfear a stádas dlíthiúil agus go n-athlonnófar iad.

Clúdaíonn'Comhphlean Cur Chun Feidhme don Chomhshocrú maidir le hImirce agus Tearmann' de chuid an Choimisiúin Eorpaighdeich réimse, ón bpointe a shroicheann imirceach teorainneacha an AE go lánpháirtiú ina dtithe nua nó go bhfillfidh siad ar a dtír thionscnaimh. Tugann an tuairim ó Choiste na Réigiún dearcadh áitiúil agus réigiúnach ar gach ceann de na deich réimse.

Sa tuairim ó CnaR, áitítear ar an Aontas aitheantas foirmiúil a thabhairt dostaid ar leith na réigiún teorann seachtraí ina bheartais maidir le saoirse, slándáil agus ceartas. Léiríonn sé freisin imní faoi easpa leanúnach dlúthpháirtíochta idir Ballstáit an AE, ag cur brú ar údaráis an AE "a chinntiú nach bhfuil an rogha ag aon bhallstát AE glacadh imirceach a dhiúltú go córasach". Thairis sin, tugann sé rabhadh go bhféadfaí oibríochtaí cuardaigh agus tarrthála ar muir a chur i mbaol má thugtar freagracht as díbhordáil d’údaráis náisiúnta an Bhallstáit teacht isteach amháin.

Ag an am céanna, sa tuairim ó CnaR, cosnaítear an tsaorghluaiseacht laistigh de Limistéar Schengen, agus tathantaítear ar an gCoimisiún Eorpach seiceálacha tapa a dhéanamh chun a áirithiú go mbeidh bonn cirt le haon ath-fhorchur seiceálacha ag teorainneacha inmheánacha ag rialtas náisiúnta agus go mbeidh sé comhréireach. Le Conradh Schengen, ceadaítear do rialtais náisiúnta seiceálacha teorann a dhéanamh i gcás ‘bagairt thromchúiseach ar an mbeartas poiblí nó ar an tslándáil inmheánach’.

Luaigh: 

Antje Grotheer (DE/PSE), Uachtarán Pharlaimint Bremen: “Táimid ag druidim i dtreo na fírinne anois le haghaidh ceann de na hathchóirithe is conspóidí a chomhaontaigh an tAontas le blianta fada anuas. Sin an uair nach mór dúinn fuarlitir agus spiorad na rialacha nua imirce agus tearmainn a chur chun feidhme, agus a chinntiú go n-urramófar go hiomlán luachanna an Aontais agus caighdeáin idirnáisiúnta maidir le cearta an duine. Beidh na héifeachtaí le brath i réigiúin agus i bpobail ar fud an Aontais. Thabharfadh ár dtograí guth níos láidre do rialtais réigiúnacha agus áitiúla. Go polaitiúil agus go praiticiúil, stopfaidh na hathchóirithe seo mura n-éistfear le hábhair imní na bpobal áitiúil. Léiríonn ár dtograí freisin tiomantas bunúsach do dhaoine leochaileacha a chosaint, lena n-áirítear iad siúd a thagann ar muir. Tá tosaíocht ag an gceart chun beatha ar rialuithe inimirce. Beatha daoine a shábháil ar dtús, agus ansin measúnú a dhéanamh ar chearta eile na ndaoine sin a tarrtháladh.”